Shumë hulumtime e lidhin kafen me dobinë e ndryshme për shëndetin tuaj – nga zvogëlimi i rrezikut nga demencia deri te përshpejtimi i metabolizmit

Natyrisht, hiq më pak nuk është i rëndësishëm edhe elani i energjisë shtesë në momentet kur na është më se i nevojshëm, transmeton Telegrafi.

Në vazhdim lexoni se cilat janë ato gabime që njerëzit më së shpeshti i përsërisin.

Blini kafe të bluar

Nevojitet pak më shumë mund nëse dëshironi vetë t’i bluani kokrrat e kafes.

Hulumtimi i publikuar në revistën shkencore “Food Chemistry” ka zbuluar se kafja e blerë e bluar përmban shumë më tepër radikale të lira të cilat mund të çojnë deri në stresin oksidativ dhe proceset inflamatore në trupin tuaj.

Ruani kafen në qesen origjinale

Në vend se në qese, i mbani kokrrat e kafes të mbyllura në enë të mbyllur hermetikisht. Niveli i radikaleve të lira të cilat gjenden në kafe shtohet me çdo ekspozim me ajrin.

Kur ndodh kjo, antioksidantet e dobishme nga kafja “shpenzohen” dhe do të neutralizohen radikalet e lira, prandaj do të mbeten më pak antioksidantë për ju.

Pini kafe herët në mëngjes

Pirja e kafes në orën 7 të mëngjesit nuk ndikon shumë në nivelin e energjisë suaj. Shkak është fakti që hormonet tuaja të stresit janë në nivelin në të lartë pikërisht kur zgjoheni, për këtë shkak do të merrni elan natyral të energjisë.

Ekspertët pajtohen që koha më e mirë për konsumimin e kafes është midis orës 10 dhe 12, kur niveli i kortizolit (hormon i stresit) fillon të bjerë.

Pini shumë kafe

Dobitë shëndetësore të cilat mund t’i merrni nga kafja kryesisht zhduken pas 5 – 6 filxhanëve prej230 ml, që përafërsisht është 400 mg kafeinë.

Me konsumimin e tepërt të kafes në të vërtetë nuk do të arrini asgjë, ndërkaq disa njerëzve kafeina e tepërt mund t’i dëmtojë.

Përdorni shtesa të tepërta për kafe

Hulumtimet janë të ndara – disa pajtohen me pak shtesë sheqeri në kafe dhe më tej mund të ulni rrezikun nga diabeti, ndërsa të tjerët thonë që ato efekte zhduken me shtimin e sheqerit.

Andaj, përpiquni që t’i përmbaheni sasive të rekomanduara ditore të sheqerit – pak sheqer me siguri është në rregull, mirëpo mos e shndërroni filxhanin e kafes në desert.

Pini një filxhan kafe për një kohë të gjatë

Ju tingëllon kjo e njohur – keni përgatitur një filxhan kafe, keni pirë disa gllënjka, pastaj keni harruar kafenë për disa orë? Nëse ju ndodh kështu shpesh, keni parasysh që thartira e kafes shtohet me kalimin e kohës. Kjo nuk paraqet rrezik të madh shëndetësor, mirëpo thartira e shtuar mund të çojë deri në metabolizëm të keq.

Gjithashtu, kafja e cila një kohë të gjatë qëndron, në vete përmban më pak antioksidantë, prandaj mos e zgjasni kohën e pirjes së kafes më shumë se 20 minuta. /Telegrafi/

The post Nuk jeni të vetëdijshëm sa i shkatërroni veprimet pozitive të kafes: Këto gjashtë gabime të gjithë i bëni! appeared first on Telegrafi.

Konsumimi i një diete të shëndetshme e të balancuar mirë – e cila përfshin të paktën pesë porcione pemë dhe perime në ditë – mund t’jua ulë rrezikun e vdekjes së parakohshme.

Jetëgjatësinë mund ta shtoni edhe duke bërë ushtrime të rregullta fizike, transmeton Telegrafi.

Megjithatë, shkencëtarët bëjnë të ditur se një prej mënyrave më të lehta për ta përmirësuar shëndetin është duke ngrënë fruta agrume të paktën një herë në ditë.

Frutat agrume – që janë portokajt, grejpfrutët dhe limonët – mund t’jua përmirësojnë shëndetin e përgjithshëm, sipas ekspertëve.

Ekspertët thonë se njerëzit që hani sasi të mëdha të këtyre frutave janë më pak të prirë të zhvillojnë një numër të madh të sëmundjeve, duke përfshirë kancerin, sëmundjet e zemrës dhe diabetin.

Këto fruta më së miri njihen për përmbajtjen e vitaminës C, e cila e forcon sistemin e imunitetit, por veç kësaj, ato edhe i luftojnë infeksionet.

Dëshmitë e deritanishme tregojnë se frutat agrume ndikojnë në reduktimin e rrezikut të kancerit në ezofag, gojë, laring, faring, dhe në lukth për 40-50%.

Nutrientët që gjenden me bollëk në këto fruta janë fibrat, vitamina C, kaliumi, foliati dhe flavanoidet. /Telegrafi/

The post Frutat që duhet t’i hani për një jetë më të gjatë appeared first on Telegrafi.

Lakra përmban pak kalori, por ka sasi të madhe të fibrave, andaj është përforcues natyral i shëndetit që është përdorur me mijëra vite.

Ky super-ushqim sjell shumë përfitime shëndetësore, por është posaçërisht fitimprurës për zorrën e trashë dhe eshtrat, transmeton Telegrafi.

E pasur me vitaminë K, lakra e furnizon trupin me 85% të sasisë së rekomanduar ditore. Ky nutrient është i rëndësishëm jo vetëm për shëndetin e eshtrave, por edhe për parandalimin e sëmundjes së Alzheimerit sepse i kufizon dëmet e neuroneve në tru.

Madje, një porcion lakër mund ta furnizojë trupin me 54% të sasisë së rekomanduar ditore të vitaminës C – sasi më e madhe sesa ajo që ofrojnë portokajtë. Vitamina C është një nga nutrientët më të rëndësishëm sepse luan rol kyç në shëndetin e trurit, në sistemin e imunitetit, në inflamacion, shtypje të gjakut dhe në funksionin mitokondria.

Lakra është burim i shkëlqyeshëm i fibrave, të cilat janë kruciale për një sistem të shëndetshëm të tretjes.

Ndër tjerash, lakra është e pasur edhe me vitaminë B6, foliat, magnez, vitaminë B1, vitaminë B6, B5, hekur, kalcium, fosfor, kalium, etj.

Përndryshe, lakra është e mirë për:

– Shëndetin e zorrës së trashë dhe detoksikimin e lukthit

– Për detoksikimin e mëlçisë

– Për ulcerat e tretjes

– Për shërimin e plagëve

– Për humbjen e peshës, etj. /Telegrafi/

The post Lakra, super-ushqimi që trajton ulcerën në lukth, e detoksikon mëlçinë dhe e ndalon inflamacionin appeared first on Telegrafi.

Një ndër aktivitetet më të adhuruara, i cili, pos angazhimit të trupit, i sjell edhe qetësi shpirtit është joga, prandaj ne po jua paraqesim video-jogën e treningut me ushtrimet interesante kundër shtresave yndyrore.

Shumica procedurën e dobësimit e fillojnë me ndryshimin e regjimit të ushqimit, mirëpo është me rëndësi të dini që aktiviteti fizik është i domosdoshëm, si për eliminimin e tepricës së kilogramëve, ashtu edhe për ruajtjen e shëndetit të eshtrave, organeve, muskujve, madje edhe të shëndetit mendor, transmeton Telegrafi.

Këtë video e kanë shikuar më shumë se 7 milionë njerëz, ndërkaq komentet kanë qenë më shumë se pozitive.

Shumica kanë komentuar se si me ndihmën e këtyre ushtrimeve kanë arritur t’i eliminojnë kilogramët më shpejt sesa kanë pritur, ndërkaq shumicës ky trening u është bërë pjesë përditshmërie, madje edhe pasi që janë dobësuar.

Instruktorja Adrian thekson që krahas dobësimit, këto ushtrime janë të mira për aktivizimin e gjithë trupit, stimulimin e stomakut dhe mirëmbajtjen e shëndetit të traktit digjestiv.

Shikoni videon dhe ndani kohën për ushtrimet të cilat do t’i bëjnë shumë mirë trupit tuaj, ndërkaq ndjenja e kënaqësisë do të jetë shumë e vlefshme kur t’i shihni rezultatet.

/Telegrafi/

The post Joga për dobësim: Ushtrim i cili ndihmon që shpejt dhe shëndetshëm ta zgjidhni problemin e shtresave yndyrore appeared first on Telegrafi.

Ekzistojnë dy lloje fibrash, të tretshme dhe të patretshme, dhe secili grup funksionon ndryshe në trup. Shumica e bimëve i kanë të dyja këto grupe, transmeton Telegrafi.

Fibrat e tretshme përfshijnë pektinat, beta glukan, dhe psyllium (që ndonjëherë përdoret si laksativ). Meqenëse fibrat e tretshme shkrihen në ujë, ato mund të formojnë lëngje të mpiksura kur gatuhen dhe në aparatin tretës.

Këto lëngje në formë xheli ngadalësojnë kalimin e ushqimit nëpërmjet sistemit tretës dhe ndihmojnë në thithjen e duhur të glukozës, duke parandaluar rritjen e menjëhershme të glukozës në gjak pas ngrënies.

Fibrat e tretshme gjithashtu mund të bashkohen me acidet në zorrën e hollë, duke parandaluar thithjen e tyre. Mëlçia e shndërron kolesterolin në acid dhe duke parandaluar thithjen e tij e detyron mëlçinë të prodhojë më shumë, duke reduktuar kështu rezervat e përgjithshme të kolesterolit në trup.

Shumica e fibrave të patretshme janë celulozë, por këtu përfshihet edhe hemiceluloza. Fibrat e patretshme janë të rëndësishme për të pasur një aparat tretës të shëndetshëm – ato bëjnë që gjithçka të lëvizë në udhën e vet.

Këtë e bëjnë duke thithur ujin dhe duke mbajtur të butë përmbajtjen e zorrës, duke mundësuar që muskujt në muret e zorrës të funksionojnë pa krijuar shumë presion. Presioni i tepërt shkakton formimin e qeseve të vogla të quajtura divertikula, të cilat mund të irritohen.

Mungesa e fibrave në dietë mund të shkaktojë kapsllëk dhe hemorroide. Ushqimet e pasura me fibra kanë aftësi mbrojtëse duke parandaluar kancerin e kolonit. Ushqimet e pasura me fibra janë më të shijshme sepse treten më gjatë dhe mund të ulin konsumin e përgjithshëm të ushqimit.

Ato gjithashtu i japin stomakut një ndjenjë mbushje. Përveç kësaj, shumica e ushqimeve me fibra nuk kanë shumë kalori.

Cila është sasia e mjaftueshme e fibrave?

Rreth 30 g fibra në ditë është sasia e duhur për shumicën e të rriturve. Konsumimi i fibrave duhet të shtohet me ngadalë për të parandaluar përzierjen dhe fryrjen e stomakut. Është shumë e rëndësishme që të konsumoni sasinë e duhur të lëngjeve gjatë një diete të pasur me fibra.

• Hani lëkurën e frutave dhe perimeve. Zgjidhni ushqime organike sa herë që është e mundur.

• Zgjidhni drithëra të pasura me fibra dhe miell tërshëre për mëngjes dhe përdorini ato edhe në ushqimet e pjekura.

• Shtojini dietës tuaj fasule dhe bishtaja të tjera. Nëse përdorni fasule të konservuara, zgjidhni ato që kanë pak ose aspak kripë. Nëse këto nuk janë të disponueshme, thajini dhe shpëlajini fasulet e konservuara për të larguar një pjesë të kripës. Gjithashtu mund të gatuani fasule të thata kur keni kohë dhe mund t’i ngrini për t’i përdorur më vonë.

• Zgjidhni një lugë arra ose kokoshka për zemër.

• Hani më shumë perime, duke përfshirë edhe ato të pagatuara, në supa, sallata dhe pjata të tjera.

• Mos harroni që frutat e thata janë të pasura me fibra, por edhe me sheqer.

• Hani fara të gatuara soje.

• Zgjidhni ushqime me miell të pasitur, si makaronat dhe buka në vend të ushqimeve me miell të bardhë. Mielli i pasitur duhet të jetë i pari në listën tuaj.

• Hani elb dhe drithëra të tjera të papunuara.

• Hani manaferra të freskëta ose të ngrira pa sheqer, sepse kanë fibra dhe antioksidantë. /Telegrafi/

The post Çfarë janë fibrat dietike dhe përse janë të rëndësishme ato? appeared first on Telegrafi.

Avokadot janë prej ushqimeve më të shëndetshme dhe, përveç vetive të fuqishme mjekësore, ato kanë edhe shije shumë të mirë.

Telegrafi më poshtë ju sjell disa prej përfitimeve shëndetësore që i sjell konsumimi i përditshëm i një avokadoje.

Janë të pasura me vlera ushqyese
Një avokado përmban mbi 20 vitamina dhe minerale, në mesin e të cilave janë vitamina C, vitamina K, foliati, kaliumi, etj.

Yndyrë e shëndetshme
Avokadot janë të mbushura me yndyra të shëndetshme të cilat e zvogëlojnë kolesterolin e keq dhe e reduktojnë rrezikun e sulmeve të zemrës dhe trurit.

Niveli i kolesterolit
Për shkak të përmbajtjes së yndyrave të shëndetshme, avokadot arrijnë që ta mirëmbajnë nivelin e kolesterolit të mirë dhe njëkohësisht ta ulin nivelin e kolesterolit të keq.

Humbja e peshës
Konsumimi i gjysmë avokadoje në ditë është dëshmuar se ju bën të ndiheni më të ngopur deri në 5 orë pas një shujte.

Absorbimi i vlerave ushqyese
Konsumimi i rregullt i avokados ndihmon në absorbimin e karotenoideve esenciale në trup, siç janë licopei, luteini, alfa-karoteni dhe beta-karoteni.

Shtypja e gjakut
Përmbajtja e lartë e kaliumit ndihmon në menaxhimin e shtypjes së gjakut, e eliminon sodiumin e tepërt dhe e lehtëson tensionin në muret e enëve të gjakut.

Parandalimi i diabetit
Avokadot i rregullojnë nivelet e insulinës dhe glukozës në gjak, andaj janë të shkëlqyeshme në rastet me diabet.

Shëndeti i eshtrave
Vitamina K ndihmon në absorbimin e kalciumit në trup, i cili është esencial për shëndetin e eshtrave, ndërkaq avokadot janë të mbushura me këtë vitaminë.

Shëndeti i syve
Avokadot përmbajnë dy karotenoide shumë të rëndësishme, lutein dhe zeaxanthin, të cilat janë esenciale për shëndet të syve dhe shikim të mirë. Prandaj, konsumimi i avokados e parandalon verbërinë, dëmin e syve, etj.

Shtatzënia
Avokadot janë të mbushura me bollëk me vitaminë B6, folat, vitaminë C dhe kalium, e që të gjitha këto i nevojiten nënës gjatë muajve të shtatzënisë. /Telegrafi/

The post Arsyet shëndetësore se përse duhet të konsumoni avokado çdo ditë appeared first on Telegrafi.

Shkencëtari japonez, Yoshinori Ohsumi, ka zbuluar parimin e ushqimit që ndihmon në ruajtjen e rinisë dhe shëndetit. Për zbulimin e vet i është ndarë Çmimi “Nobel” për mjekësi

Esenca e punës së tij është e thjeshtë: nëse një kohë qëndrojmë të uritur, gjatë asaj kohe qelizat përpunojnë çdo gjë të vjetër dhe të panevojshme dhe – rinohen. Ky proces quhet autofagji, transmeton Telegrafi.

Emërtimi autofagji i është dhënë këtij procesi nga belgu Christian de Duve, që ishte një nga tre fituesit e Nobel-it të mjekësisë në vitin 1974. Ai ishte gjithashtu në zemër të punimeve që i dhanë në vitin 2004 çmimin Nobel amerikanit, Irwin Rosedhe izraelitëve, Aaron Ciechanover dhe Avram Hershko.

Ky proces është thelbësor për rinovimin e qelizave. Qelizat tona vetëshkatërrohen duke u shndërruar në fshikëza me dy membrana para se të konsumohen nga lizosomet, organe të zakonshme të ngarkuara me tretjen dhe shkatërrimin e mbetjeve dhe baktereve.

“Ajo që ai tregoi ishte se këto nuk ishin grumbullim mbetjesh, por uzina riciklimi”, thekson për Fondacionin Nobel një profesor i mjekësisë molekulare, Juleen Zierath.

Madje funksionimi i keq i këtij mekanizmi mund të sjellë çdo lloji sëmundje, si ato të quajtura sëmundje të lizosomeve, ato me origjinë gjenetike, apo sëmundje si ajo e Huntington, e Alzheimer, atyre të miopatisë etj.

“Nëse funksionimi i autofagjisë është defektoz, qelizat nervore nuk funksionojnë korrektësisht. Madje në disa studime eksperimentale është vërejtur që edhe embrioni nuk zhvillohet normalisht”, theksoi presidenti i asamblesë së Nobel-it të mjekësisë, Rune Toftgard.

Madje ndryshimi i gjeneve të autofagjisë mund të sjellë sëmundje gjenetike. Kërkimet intensive mbi këtë sistem mund të ndihmojë në gjetjen e kurimeve më shumë sëmundje deri tani të pakurueshme.

Ky sistem do t’ju ndihmojë të shfrytëzoni njohuritë e këtij shkencëtari, me ndryshimin e vetëm një shprehie në ushqim.

Hulumtuesit kanë studiuar lloje të ndryshme të agjërimit të kohëpaskohshëm dhe kanë përpunuar mënyrën më të thjeshtë dhe më të parrezikshme të ushqimit e cila nxit autofagjinë dhe ndihmon të ruani rininë dhe të arrini peshën ideale.

Çfarë do të thotë “dritare ushqimi?”

Dritare është koha kur gjatë një dite hamë. Ai i cili zgjohet në orën 7 dhe ha ushqim një orë më vonë, hap dritaren në orën 8 të mëngjesit. Nëse darka është midis orës 20 dhe 22, dritarja është e hapur në orën 12 – 14 gjatë ditës.

Më parë është konsideruar që duhet ngrënë më shpesh dhe nga pak, në mënyrë që trupi të mos fillojë të krijojë dhjamë.

Hulumtimet e bëra më 2017 tregojnë që ata të cilët kanë ngrënë midis orës 8 dhe 22 janë më pak të shëndetshëm se ata të cilët kanë ngrënë midis orës 8 dhe 14. Nëse dritarja e ushqimit hapet vetëm për 6 – 8 orë, zvogëlohet rreziku nga diabeti, anemia dhe obeziteti.

Çfarë ndodh kur ngushtojmë dritaren e ushqimit?

Janë bërë shumë hulumtime se si përkufizimi i dritares së ushqimit ndikon në nivelin e kolesterinës dhe sheqerit në gjak, apetit dhe në peshë trupore. Atëherë, në vitin 2017 shkencëtarët kanë verifikuar hipotezat e tyre, duke ua zvogëluar personave që kanë marrë pjesë në eksperiment dritaren në 12, 8, 6 ose 4 orë, kur të gjithë kanë ngrënë njësoj si edhe zakonisht, jo artikuj të posaçëm. Sasia e kalorive për grupet e kontrollit ka qenë e njëjtë.

Hulumtuesit kanë zbuluar që dritarja e ngushtuar e ushqimit zvogëlon oscilimet ditore të urisë dhe shton djegien e yndyrës gjatë natës, por gjithashtu përmirëson fleksibilitetin metabolik.

Dritarja e vogël e ushqimit është e dobishme edhe për shëndetin e përgjithshëm:

– shton rezistencën ndaj rrezeve ultraviolete, kancerit të lëkurës dhe plakjes së saj;
– zvogëlon rrezikun nga kanceri i gjirit;
– ul shtypjen e gjakut;
– zvogëlon rrezikun nga sëmundjet e zemrës;
– përmirëson cilësinë e gjumit

Përse është aq e rëndësishme koha kur hamë

Jo vetëm që është me rëndësi të zvogëlohet dritarja e ushqimit, por edhe të zgjidhet koha e duhur për të ngrënë. Çdo organizëm ka ritmin biologjik – oscilimet e orës së brendshme, lidhur me ndërrimin e ditës dhe natës.

Në orët e mëngjesit tajit hormoni kortizol, prandaj marrim energji dhe apetit. Në mbrëmje tajit melatonina dhe trupi përgatitet për gjumë. Proceset e brendshme ngadalësohen dhe vetvetiu edhe tretja.

Kur hamë në mbrëmje, çrregullojmë orën e brendshme:

– në mëngjes nuk kemi forcë, sepse niveli i kortizolit është i ulët;
– organizmi zgjohet vetëm gjatë ditës;
– në mbrëmje niveli i kortizolit rritet dhe prandaj jemi të uritur dhe aktivë, ndërkaq trupi duhet të flejë gjumë;
– për shkak të kësaj, shtohet rreziku nga diabeti, obeziteti dhe depresioni.

Si të bëhet orari

Për të vendosur ritmin biologjik, duhet:

– të ngriheni në orën 6 – 7 të mëngjesit apo kur të zbardh drita;
– kafjallin 50 – 60 minuta pas zgjimit;
– filloni të punoni 2 – 3 orë pas zgjimit;
– hani për kafjall më shumë se për drekë;
– zvogëloni dritaren e ushqimit në 6 – 8 orë, pa ndryshim të përmbajtjes së kalorive

Ky është shembulli i dritares 8-orëshe:

Zgjimi në orën 7, pastaj kafjall të pasur në orën 8, drekë të lehtë në orën 12, ndërkaq darka në orën 16. Për ata më të vendosurit – pa darkë.

Si të luftohet kundër ndjenjës së urisë

Me siguri pyesni: si të luftoj gjithë mbrëmjen me ndjenjën e urisë? Shkencëtarët gjithashtu kanë studiuar këtë fenomen. Është treguar që hormoni i urisë gjithashtu është i lidhur me ritmin biologjik dhe lirohet më së shumti rreth orës 8, 13 dhe 19.

Pa marrë parasysh nëse keni ngrënë apo pirë vetëm çaj, pas dy orësh nga çdo nivel më i lartë – uria kalon. Kjo do të thotë që nuk duhet besuar ndjenjës së urisë, e cila na josh të shkojmë te frigoriferi çdo tri orë.

Shkencëtarët thonë që trupi me kalimin e kohës mësohet me pauzat e mëdha midis racioneve, ndërkaq ndjenja e urisë bëhet më e dobët. Nëse hani shpesh, ndjenja e urisë bëhet më e fuqishme.

Mbase herën e parë do t’ju jetë e vështirë të zvogëloni dritaren: disa ditë do ta keni dëshirën të papërballueshme që të hani çdo gjë pas orës 19. Ajo periudhë mund të mbijetohet duke ngrënë nga pak pemë dhe perime.

Pas një jave, organizmi do të mësohet – apetiti do t’ju ulet, gjumi do të bëhet më i thellë, ndërkaq humori i mëngjesit do t’ju jetë më i mirë! /Telegrafi/

The post Dieta që, krahas dobësimit, ndihmon edhe në ndaljen e plakjes appeared first on Telegrafi.

Ka shumë dieta në dispozicion, por jo të gjitha janë efektive!

Madje, disa mund të jenë më të dëmshme për shëndetin tonë sesa stili aktual i jetesës që po e bëjmë, transmeton Telegrafi.

Për ta gjetur një metodë efektive dhe të shëndetshme që shfaq efekte brenda një muaji, atëherë ju rekomandojmë ta lexoni këtë artikull.

Ekspertët i kanë zbuluar disa dieta të cilat janë dëshmuar shkencërisht për efikasitetin e tyre.

Dieta e Perricone

Dr. Nicholas Perricone është nutricionist amerikan dhe dermatolog. Dieta e tij mund t’ju ndihmojë ta formësoni trupin dhe jua përmirëson lëkurën falë yndyrave të peshkut që e ngadalësojnë plakjen.

Karakteristikat kryesore
Jeni të lejuar të hani sasi të mëdha të peshkut, proteinës, pemëve dhe perimeve. Duhet t’i shmangni produktet si salcat, ëmbëlsirat, alkoolin dhe brumin. Është kruciale t’i konsumoni produktet e lejuara në një renditje të caktuar. Fillimisht, ju duhet ta hani ushqimin që përmban proteinë, pastaj hani fibra, pastaj karbohidrate (pemë). Kjo renditje ju ndihmon ta ngadalësoni procesin e absorbimit të sheqerit i cili kontribuon në depozitimin e dhjamit. Ju mund ta provoni këtë metodë për 3 ditë dhe nëse ju pëlqen, mund ta vazhdoni për 1 muaj.

Dieta e Paleolitit

Kjo ndryshe quhet edhe dieta Paleo ose dieta e epokës së gurit. Është dizajnuar nga nutricionistja amerikane Loren Cordain.

Dieta kërkon të konsumoni ushqime që presupozohet të kenë qenë në dispozicion apo që janë konsumuar gjatë epokës së Paleolitit. Siç mbajmë mend nga shkolla, njerëzit e asaj epoke kanë bërë gjah dhe kanë ngrënë ushqime si manaferrat, boronicat, bimë të ndryshme, etj.

Karakteristikat kryesore
Nëse e ndiqni këtë dietë, ju duhet të përqendroheni në mishra të papërpunuar, perime, pemë, produkt arrore, mjaltë, boronica e manaferra, kërpudha dhe peshk. Ju duhet të shmangni konsumimin e çdo ushqimi të përpunuar, produktet e bulmetit, sheqerin, kripën, ëmbëlsirat, etj.

Sipas Cordianit, këto produkte shkaktojnë probleme shëndetësore sepse janë në kontradiktë me strukturën gjenetike të qenieve njerëzore.

Efektet e mundshme anësore
Nëse ndaloni së konsumuari produkte të bulmetit, drithëra, etj., kjo mund të rezultojë në mungesë të kalciumit, hekurit dhe magnezit. Sasia e madhe e mishit dhe yndyrave të ngopura mund të shkaktojnë probleme në sistemin kardiovaskular. Dieta kritikohet shpesh, andaj rekomandohet të konsumohet vetëm në periudhë afatshkurtër. /Telegrafi/

The post Dy dietat që jua formësojnë trupin brenda një muaji! appeared first on Telegrafi.

Limoni është në mesin e pemëve më të shëndetshme në planet, pasi që ofron një sërë përfitimesh shëndetësore.

Limonët kanë veti antibakteriale dhe antivirale, ndërkaq aroma e tyre në mënyrë efikase e trajton edhe depresionin, transmeton Telegrafi.

Limonët janë të pasur me antioksidantë, hekur, krom, magnez, vitaminë C, E, A, etj.

Një limon pa lëvore përmban përafërsisht:

– 24 kalori
– 7.8 gramë karbohidrate
– 0.9 gramë proteinë
– 0.3 gramë yndyrë
– 2.4 gramë fibra
– 44.5 miligramë vitaminë C
– 116 miligramë kalium
– 0.5 miligramë hekur
– 0.1 miligramë vitaminë B6

Ndër tjerash limonët përmbajnë sasi të vogël të acidit folik, acidit pantoetnik, kalciumit, magnezit, etj.

Lëngu limonit e pastron skalpin dhe i trajton problemet e lëkurës si aknet dhe shenjat tjera. Për ta zbutur lëkurën vrazhdë në gjunjë dhe bërryla, vetëm fërkojeni gjysmë limoni në zonat e prekura.

Limoni e freskon frymëmarrjen, i zbardhon dhëmbët dhe i eliminon gurët në veshka. Lëngu i limonit ndihmon edhe në sistemin e tretjes dhe është ilaç potencial për trajtimin e artritit dhe reumatizmit.

Nëse i preni disa limonë dhe i mbanë në dhomë gjatë natës, ata do ta pastrojnë ajrin nga toksinat dhe do t’jua përmirësojnë kualitetin e gjumit. Veç kësaj, jua zgjidhin edhe problemet me alergji, grip dhe astma. /Telegrafi/

The post Mënyrat e ndryshme se si mund ta përdorni limonin për t’i gëzuar efektet shëndetësore që i sjell appeared first on Telegrafi.

Nutricionistët këshillojnë se si do të duhej të dukej ushqimi i fëmijës i cili vuan nga ekzema

Ekzemat dhe problemet në përgjithësi me lëkurën te bebet dhe fëmijët e vegjël shfaqen goxha shpesh. Aq shpesh sa që me siguri madje edhe e njihni dikë, fëmija i të cilët vuan nga ekzema, transmeton Telegrafi.

Nëse është kështu, mbase edhe keni vërejtur që ushqime të caktuara përkeqësojnë simptomat, duke çuar deri te shfaqja e njollave të kuqe, inflamacioni në lëkurë, të cilat shkaktojnë të kruara të pakëndshme…

Nutricionistja Karen Fischer, e cila edhe vetë ka vajzën e cila vuan nga ekzemat, ka vendosur që të mos mbështetet vetëm në kremrat kortizone, të cilat më së shpeshti vetëm zbusin dhe maskojnë simptomat, por të provojë që problemin e vajzës së vet të vogël ta zgjidhë me ushqim.

Pasi që ndryshimi në mënyrën e ushqimit i ka ndihmuar vajzës së saj, Fisher ka vendosur që ta ndajë me prindërit e tjerë, duke prezantuar “dietën kundër ekzemave”.

Fëmijët të cilët vuajnë nga ekzemat nuk do të duhej të hanin rrush, portokall, kivi, domate, avokado, kajsi, kumbulla dhe hurma.

Veç kësaj, do të duhej të reduktoheshin produktet e prodhimeve të qumështit dhe prodhimet nga mielli i grurit në minimum, si edhe vezët, frutat arrore, frutat e detit dhe ushqimi i përpunuar i cili përmban aditivë dhe ngjyra artificiale.

Kur është fjala për perimet, personat që janë të prirë t’u shfaqen ekzemat do të duhej që shmangnin brokolin.

Natyrisht, këto janë orientime të përgjithshme, mirëpo ekspertët pajtohen që mënyra më efikase për ta kuptuar se çfarë i shkakton fëmijës tuaj probleme është që të mbani ditarin preciz të ushqimit.

Kështu vetë do të mundë t’ia përshtatni rekomandimet e mjekëve nevojave të fëmijës suaj. /Telegrafi/

The post Me ushqim kundër ekzemave te fëmijët. Artikuj të caktuar përkeqësojnë ekzemën te fëmijët appeared first on Telegrafi.

Përderisa nuk ekziston diçka e tillë si ushqim me zero kalori, ka disa ushqime të cilat mund t’i hani lirshëm pa u brengosur se do të shtoni kile.

Sipas ekspertes së ushqimit, Dr. Lisa Young, këto ushqime në përgjithësi ndahen në dy kategori: pemë dhe perime, transmeton Telegrafi.

Young thotë se ka disa arsye se përse nuk shtoni peshë duke i ngrënë ushqimet e mëposhtme:

– Kryesisht përbëhen nga uji
– Kanë shumë pak kalori
– Përmbajnë fibra, të cilët ju ndihmojnë të ndiheni të ngopur

Megjithëse këto pemë dhe perime nuk kanë shumë proteinë, ato janë të mbushura me vitamina, antioksidantë dhe nutrientë tjerë që i shërbejnë mirë shëndetit të përgjithshëm.

Boronicat
Boronicat më së miri njihen për përmbajtjen e antioksidantëve. Ky ushqim ka më shumë antioksidantë sesa çdo pemë tjetër, ndërkaq 1 gotë me boronica ka vetëm rreth 85 kalori.

Kastravecët
Kastravecët përbëhen kryesisht prej ujit, ndërkaq përmbajnë vetëm rreth 16 kalori. Farat dhe lëvorja e kastravecit përmban më së shumti vlera ushqyese, andaj më së miri është të mos e qëroni. Lëvorja dhe farat ju furnizojnë me fibra dhe me një formë të vitaminës A që njihet si beta-karoten, e i cili është i mirë për sytë.

Domatet
Këto më së shumti njihen për faktin se përmbajnë licopen, i cili është karotenoid që na ndihmon t’i luftojmë sëmundjet kronike, por edhe që ia jep domates ngjyrën e kuqe. Përveç licopenit, domatet përmbajnë edhe vitaminë A, C dhe B2, por edhe krom, kalium dhe fibra.

Një domate e madhësisë mesatare përmban vetëm 25 kalori.

Brokoli
Brokoli ka më së shumti vlera ushqyese kur hahet pa iu nënshtruar ndonjë procedure gatimi, ose kur avullohet. Kjo perime përmban silforafan, i cili është antikancerogjen që punon për t’i shkatërruar kimikalet që e shkaktojnë kancerin në trup.

Përveç vitaminës A, C, E dhe K, brokolit kanë edhe sasi të madhe të fibrave, ndërkaq përmbajnë vetëm 31 kalori.

Portokalli
Shumica i njohin portokajtë për përmbajtjen e vitaminës C, por kjo pemë ofron edhe efekte tjera shëndetësore. Për shkak se vitamina C është kruciale për prodhimin e kolagjenit, portokajtë e ndihmojnë lëkurën të lirë nga dëmtimet dhe e bëjnë të duket mirë. Veç kësaj, portokalli ka pak kalori – një portokall i madhësisë mesatare ka vetëm rreth 80 kalori.

Dredhëzat
Ka më shumë vitaminë C në dredhëza sesa në portokall. Veç kësaj, dredhëzat janë të mbushura plot me folifenole – një lloj antioksidanti. Dredhëzat gjithashtu janë burim i mirë i kaliumit dhe fibrave, nuk kanë yndyrë, kolesterol, kripë, etj. Një servim dredhëza ka vetëm rreth 50 kalori. /Telegrafi/

The post Ushqimet që mund t’i hani pa u trashur fare appeared first on Telegrafi.

Migrena është sëmundje mjaft e zakonshme dhe besohet se çdo i shtati person në botë është i prekur nga kjo – vetëm në Mbretërinë e Bashkuar raportohen rreth 190,000 raste me migrenë çdo ditë.

Përveç dhimbjes së madhe, simptomat tjera përfshijnë ndjeshmërinë ndaj aromës, zërit dhe dritës, marramendje, vjellje, etj., transmeton Telegrafi.

Por, pavarësisht shpeshtësisë dhe simptomave të këqija, më pak se 50% e pacientëve me migrenë janë të kënaqur me trajtimet aktuale.

Shumica vendosin ta trajtojnë me metoda tjera këtë sëmundje, në vend të ilaçeve.

Pra, shumica e njerëzve janë duke kërkuar ilaçe natyrale për ta mbajtur larg migrenën. Ekspertët kanë treguar se janë disa suplemente natyrale që mund t’i provoni për t’i trajtuar simptomat e dhembshme të migrenës.

Magnezi
Nivelet e magnezit në gjak shpeshherë janë të vogla te personat me migrenë, krahasuar me personat e shëndoshë – duke sugjeruar se mungesa e magnezit mund të kontribuojë në shfaqjen e kësaj sëmundje.

Magnezi me lehtësi mund të zbrazet nga trupi përmes ushtrimeve fizike, stresit, alkoolit dhe faktorëve tjerë – ndërkaq një pjesë e madhe e njerëzve vështirë se marrin mjaftueshëm magnez përmes dietës.

Perimet si spinaqi dhe kale janë burime të mahnitshme të magnezit, por edhe suplementet e magnezit e kanë aftësinë ta reduktojnë dukshëm shpeshtësinë e migrenës, si dhe kontribuojnë në zvogëlim të lodhjes.

Vitaminat B
Nivele të larta të homocisteinës shpeshherë shfaqen te pacientët me migrenë. Ky është produkt natyral që krijohet nga trupi.

Vitaminat B6, B12 dhe B9 janë të nevojshme për t’i rregulluar këto nivele, të cilat pastaj kontribuojnë në reduktim të shpeshtësisë së migrenës.

Antioksidantët
Hulumtimet sugjerojnë se dëmi që shkaktohet në mitokondria (burimet e energjisë të qelizave tona) nga rrezatimet e lira mund të jetë relevant me zhvillimin e migrenës për shkak të efekteve në metabolizmin e energjisë.

Andaj, besohet se antioksidantët, të cilët ndihmojnë në reduktimin e dëmtimeve nga rrezatimet e lira, të shkaktojnë efekte të mira në metabolizmin e energjisë.

Studimet sugjerojnë se antioksidanti Coenzyme Q10 është prezent në shumë ushqime dhe suplemente, si dhe ndihmon te personat me migrenë. /Telegrafi/

The post Migrena – vitaminat dhe mineralet që t’i përdorni në vend të ilaçeve appeared first on Telegrafi.

Kjo dietë do të rezultojë si më e shëndetshmja në botë me të cilën shumica e njerëzve do t’i zgjidhin problemet me mbipeshën

Shkencëtarët kanë zhvilluar trukun dyminutësh, i cili do t’u mundësojë njerëzve të zgjidhin problemin me tepricën e kilogramëve, sepse fjala është për metodën me ndihmën e së cilës tërësisht shkatërrohet dëshira që të hahet ushqim i yndyrshëm, transmeton Telegrafi.

Në të vërtetë, studimi më i ri ka treguar që është e mjaftueshme që t’i merrni erë ushqimit të yndyrshëm vetëm dy minuta dhe që më nuk do të keni nevojë ta hani.

Kjo është e gjitha që kanë dëshiruar njerëzit të cilët synojnë që të eliminojnë racionet me kalori të larta.

Gjatë hulumtimit është treguar që vetëm ekspozimi ndaj aromës së ushqimit të këtillë plotëson dëshirën për racionin e tillë dhe nuk është e domosdoshme që ta hani për të qenë të kënaqur.

Receptorët e trurit të ngarkuar për kënaqësinë njësoj reagojnë edhe ndaj aromës, edhe ndaj shijes, gjë që është mirë, sepse lë mundësinë që të aplikojmë teknikën e re dhe të mbrojmë shëndetin tonë.

– Aromat ambientale janë të mjaftueshme që të shuajnë urinë për ushqim. Në të vërtetë, sensorët suptilë të aromave mund të jenë më efikas në zgjedhjen e ushqimit sesa vetë shija, gjë që më së miri tregojnë fëmijët e vegjël të cilët sapo fillojnë të zgjedhin artikujt duke i nuhatur – thotë njëri ndër hulumtuesit Dipanjan Biswas nga Universiteti Florida.

Kjo do të mund të bëhet edhe pjesë e edukimit. Për shembull, prindërit kur shkojnë në shitore do të mund t’i mbajnë fëmijët afër ëmbëlsirave rreth dy minuta dhe pasta t’i dërgojnë deri te pemët, ku fëmijët do të përcaktoheshin me siguri për ushqim të shëndetshëm.

Gjithashtu, shkencëtarët konstatojnë që me përdorimin e spërkatësve të ndryshëm në mensa, kantina dhe shitore do të mund të bëhej zgjedhje natyrale e ushqimit të shëndetshëm për çdo racion, prandaj njerëzit më nuk do të jenë obezë.

I gjithë studimi është bërë në 900 pjesëmarrës të cilët janë ushqyer në kantinë. Përdorimi i ushqimit të pashëndetshëm ka rënë në 23,41 për qind, gjë që është rezultat fantastik.

Është interesante edhe që nëse vetëm nuhatet në shpejtësi ushqimi i pashëndetshëm, apetiti për të shtohet madje dyfish – thonë ekspertët dhe shtojnë që është e domosdoshme që të jeni të ekspozuar ndaj aromave së paku dy minuta në mënyrë që truri juaj të regjistrojë ngopjen. /Telegrafi/

The post Ky truk për dy minuta do të vrasë dëshirën tuaj për ushqimin e yndyrshëm appeared first on Telegrafi.

Mungesa e hekurit, njohur ndryshe si anemia, mund të ndodh kur trupi nuk është duke prodhuar qeliza të mjaftueshme të kuqe të gjakut.

Kjo zakonisht ndodh kur nuk merrni mjaftueshëm hekur përmes ushqimit. Nëse mungesa e tillë lihet pa u trajtuar, atëherë mund të shpie në probleme të zemrës, nëse jeni shtatzënë rriten rreziqet e infeksioneve, ose edhe bebja mund të lindë para kohe, transmeton Telegrafi.

Por, cilat janë simptomat e mungesës së këtij minerale?

Këto janë gjashtë shenjat kryesore:

– Jeni zverdhur
– Ndiheni të lodhur dhe të dobët
– Nuk ndiheni të aftë të bëni aq shumë ushtrime sa keni bërë normalisht
– Keni marramendje
– Keni probleme me frymëmarrje pas ushtrimeve
– Keni rrahje të pazakonshme të zemrës

Nëse i keni këto shenja, është mirë të konsultoheni me doktorin, i cili do t’ju udhëzojë t’i bëni analizat e gjakut.

Nëse analizat tregojnë se numri i qelizave të kuqe të gjakut është nën nivelin normal, atëherë ju do të duhet të konsumoni suplemente.

Për ta shmangur mungesën e hekurit, është mirë të konsumoni ushqime që e përmbajnë këtë mineral. Spinaqi, brokoli, fiku, farat e susamit, mishi, etj. përmbajnë sasi të mira të hekurit.

Përndryshe, meshkujt mbi moshën 18 vjeç rekomandohet të marrin 8.7mg hekur në ditë, ndërkaq femrat 14.8mg në ditë. /Telegrafi/

The post Simptomat e mungesës së hekurit: Shenjat që tregojnë se duhet të hani më shumë ushqime me këtë mineral appeared first on Telegrafi.

Kur bëhet fjalë për shëndetin dhe të ushqyerit e shëndetshëm, mund të jetë e vështirë të dallojmë çka është e mirë për ne dhe çka nuk është e mirë.

Gjëja e parë që shumica bëjnë është të kontrollojnë duke shikuar paketimin që të mund të kuptojnë më shumë rreth një produkti ushqimor të caktuar dhe të gjejnë informata rreth përbërësve të produktit.

Por shpeshherë nuk është e lehtë të dimë të zgjedhim më të mirën nga shumë produkte tjera të dëmshme për ne.

Që të kemi një jetë sa më të shëndetshme dhe të kemi energji gjatë tërë ditës, ne duhet të konsumojmë më shumë ushqime që përmbajnë vlera ushqyese.

Produkte të tilla janë pemët, perimet, drithërat, produktet të cilat nuk përmbajnë yndyra të hidrogjenizuara, sheqer të shtuar, ngjyrues artificial, nuk përmbajnë aditivë, nuk janë të modifikuara gjenetikisht dhe janë të pa trajtuara pas korrjes.

Për t’u siguruar se produktet kanë këto vlera, ato duhet t’u nënshtrohen kontrolleve rigoroze nga prodhimi e deri te ruajtja e tyre në supermarkete, për të ofruar cilësi sa më të mirë.

Produktet me atribute të tilla jo vetëm që nuk dëmtojnë shëndetin tonë por kanë një efekt shumë pozitivë në jetën tonë.

Ato na japin vitamina, vlera ushqyese dhe luftojnë sëmundje të shumta. Për më tepër, këto ushqime ndikojnë shumë mirë në sistemin tonë të tretjes dhe nuk ndikojnë në shtimin në peshë.

Mund të mendoni se është e vështirë të gjenden produkte pa të gjithë këta përbërës, por kjo nuk është e vërtetë.

COOP Italia ofron produkte të tilla me shumë benefite për shëndetin tonë.

Veçantia e këtyre produkteve është se, përkundër që janë të shëndetshme, ato ruajnë shijen e tyre natyrale. Kështu, ne arrijmë të konsumojmë produkte të shëndetshme dhe të shijshme në të njëjtën kohë.

Artikull i sponsorizuar

The post Çfarë e bën një produkt të shëndetshëm? appeared first on Telegrafi.

Picat dhe pastat janë ushqime italiane dhe shumë të dashura nga të gjithë ne.

Pavarësisht se a porosisim ushqimin nga shtëpia apo në restorant, ne presim që picat dhe pastat të kenë shije shumë të mirë dhe të përgatiten sipas recetave 100% italiane.

Për këtë arsye, para se të vendosim të shkojmë në një restorant, duhet të dimë disa gjëra rreth mënyrës sesi gatuhen këto dy ushqime që t’a kemi të qartë ku të shkojmë.

Kur porosisni pasta në një restorant, është shumë e rëndësishme që ato të mos jenë të blera nga një dyqan por të jenë të freskëta.

Kjo nënkupton që këto pasta të përgatiten nga restoranti duke përdorur miell dhe recetë tërësisht italiane.

Pastat e freskëta janë më të shëndetshme, më të shijshme dhe kanë teksturë shumë më të mirë se pastat e paketuara.

Nëse provoni pastat e freskëta një herë, nuk do të doni të provoni më pastat e thara.

Edhe kur porosisni pica është shumë e rëndësishme që brumi të jetë i freskët dhe të mos jetë i përgatitur kohë të gjatë më parë.

Por kjo nuk mjafton që brumi të jetë i mirë. Ai duhet të përgatitet me miell italian, i veçantë për pica dhe me recetë origjinale italiane.

Për pica është shumë e rëndësishme edhe mënyra e pjekjes. Picat duhet të piqen në furra të druve të dizajnuara njëjtë si furrat italiane.

Pjekja e picave në furrë me dru, e bënë atë shumë më të shijshme.

Për më tepër, picat e përgatitura në këtë mënyrë kanë rreth të trash, por njëkohësisht të butë që e bënë picën të shijojë më mirë.

Në Kosovë, pica dhe pasta të tilla që të japin përshtypjen se je duke ngrënë ushqime italiane mund t’i gjeni në restorantin POMO, ku pastat dhe picat janë të freskëta, me miell dhe recetë italiane, ndërsa picat piqen vetëm në furra të druve.

Artikull i sponsorizuar

The post Gjërat që duhet të dini para se të porosisni pica ose pasta appeared first on Telegrafi.

Sëmundjet kardiovaskulare janë përgjegjëse për më shumë se 30% të numrit total të vdekjeve anë e mbanë botës, dhe çdo vit më shumë e më shumë njerëz po diagnostikohen me sëmundje të tilla. Në vitin 2015, më shumë se 85% milionë njerëz në Evropë kanë qenë duke jetuar me sëmundje kardiovaskulare.

Ndonëse numri total i njerëzve që vuajnë nga sëmundjet kardiovaskulare është në rritje, numri i atyre që vdesin nga zemra është në zvogëlim. Kjo për shkak se opsionet e trajtimeve, kujdesi kualitativ dhe qasja në kujdes shëndetësor është përmirësuar dukshëm qysh prej mesit të shekullit të kaluar, transmeton Telegrafi.

Megjithëse kjo padyshim se është shenjë e mirë, prapëseprapë shumë njerëz janë duke jetuar me sëmundje kardiovaskulare – gjë e cila ndikon në kualitetin e jetës dhe i rrezikon pacientët nga vdekja e papritur.

Parandalimi i këtyre sëmundjeve përfshin inkurajimin e njerëzve për të ngrënë një dietë më të shëndetshme, për tu marrë me ushtrime fizike dhe për ta ndaluar duhanin. Që të tri këto ofrojnë shumë përfitime shëndetësore – duke filluar nga zvogëlimi i rrezikut të shumë sëmundjeve e deri te përmirësimi i kualitetit të jetës.

Dietat për një zemër të shëndetshme

Për shumë njerëz që ballafaqohen me sëmundje kardiovaskulare, dieta është një prej gjërave të para që ata kujdesen. Ka një numër të madh të dietave të shëndetshme në dispozicion – shumica prej tyre ndërlidhen me regjione apo shtete, siç është Nordiku i Ri – që promovon konsumimin e rrënjëve të perimeve, lakrës, mollëve, peshkut, etj. – dieta Japoneze – që këshillon konsumimin e orizit, perimeve, peshkut, mishit – dhe pastaj e kemi dietën Mesdhetare.

Dieta Mesdhetare është dietë e balancuar mirë, e cila promovon konsumimin e pemëve dhe perimeve, gjithashtu peshkun, vajin e ullirit, verën e kuqe, mishrat pa dhjamë, produktet arrore dhe produktet e bulmetit me pak yndyrë.

Kjo dietë është njohur qysh prej viteve të fundit të 1950’ta dhe ofron efekte mbrojtëse për zemrën.

Në mesin e shumë dietave në dispozicion, cila është më e mira për shëndetin e zemrës?

Ekspertët shëndetësorë kanë analizuar efektet e shumë dietave që janë në dispozicion për momentin dhe në efektet kardiovaskulare që ato i ofrojnë – qoftë në periudhë afatshkurtër apo afatgjatë.

Në studimin e fundit, zbulimet e tyre kanë sugjeruar se, të paktën në periudhë afatshkurtër, dieta Mesdhetare e përmirëson dukshëm disponueshmërinë e oksidit nitrik në venat dhe arteret tona – i cili është shumë i rëndësishëm për ta mirëmbajtur shëndetin e mirë të sistemit vaskular. Oksidi nitrik ndikohet shumë nga procesi i plakjes dhe ndërlidhet fuqishëm me zhvillimin e sëmundjeve kardiometabolike. Andaj, rritja e disponueshmërisë së këtij oksidi padyshim se është lajm i mirë.

Sa i përket niveleve të kolesterolit, studimet sugjerojnë se dieta vegane i ofron efektet më të mira – por, në anën tjetër, pjesëmarrësit që ndjekin dietë vegane fatkeqësisht kanë reduktim të numrit të mikronutrientëve të rëndësishëm, siç është vitamina B12 dhe jodi.

Ky është zbulim paksa serioz, pasi që mikronutrientët janë vitamine dhe minerale të cilat u nevojiten trupit në sasi të vogla për të funksionuar mirë, ndërkaq mungesa e jodit dhe vitaminës B12 paraqet rrezik serioz të shëndetit. /Telegrafi/

The post Dietat mesdhetare e reduktojnë rrezikun e sëmundjeve të zemrës appeared first on Telegrafi.

Konsumimi i një diete të shëndetshme dhe të balancuar – e cila përfshin të paktën pesë porcione pemë e perime në ditë – mund t’jua ulë rrezikshmërinë e një vdekje të parakohshme.

Ju gjithashtu mund ta rritni jetëgjatësinë duke bërë ushtrime fizike rregullisht, transmeton Telegrafi.

Megjithatë, edhe ndryshimet e vogla në stil të jetesës mund t’ju ndihmojnë ta shmangni vdekjen e parakohshme. Një nga mënyrat më të mira për ta përmirësuar shëndetin e zemrës është duke e përdorur vajin e ullirit rregullisht.

Përdorimi i vajit të ullirit për gatim është një prej mënyrave më të mira për ta mbajtur zemrën të shëndetshme, thonë ekspertet e nutricionit Juliette Kellow dhe Dr. Sarah Brewer.

Ky vaj është i mbushur me polifenole dhe antioksidues të cilët punojnë për t’i parandaluar dëmet që i shkaktohen zemrës.

Veç kësaj, vaji i ullirit përmban edhe acid oleik, që mund të ndihmojë në zvogëlimin e kolesterolit.

Vaji i ullirit është prej përbërësve kryesorë të dietës Mesdhetare, ndërkaq njihet edhe për përfitime tjera shëndetësore, siç është ngadalësimi i sëmundjeve që ndërlidhen me moshën, zvogëlimi i shtypjes së gjakut, përmirësimi i funksionit kognitiv, etj.

Madje, përfitimet nuk ndalen këtu – disa hulumtime thonë se ky vaj ka aftësinë edhe për t’i parandaluar disa lloje të caktuara të kancerit. /Telegrafi/

The post Vaji më i miri i gatimit për ta përmirësuar shëndetin e zemrës dhe për ta ulur kolesterolin appeared first on Telegrafi.

Edhe perimet e ziera, edhe ato të paziera, i kanë anët e mira. Prandaj nutricionistët thonë që më së miri është të shijohen të dy llojet. Ta hulumtojmë këtë pak më afër

Çka është më mirë të zihet

Nxehtësia me të vërtetë shkatërron enzimat, indolet (përbërësit biologjikë aktivë në ushqim, të cilët janë të dobishëm në luftën kundër kancerit), në nxehtësi të ndjeshme janë edhe tiaminet dhe vitamina C.

Megjithatë, shumica e materieve ushqyese, duke përfshirë edhe fibrat, karbohidratet, proteinat, yndyrat, mikronutrientët e ndryshëm dhe vitaminat A, D, E dhe K mbeten në bimë edhe pas zierjes.

Në disa raste, siç është për shembull te betakaroteni, materia ushqyese bëhet më shumë e disponueshme biologjikisht pas zierjes.

Njëlloj kështu, domatet si burim i shkëlqyeshëm i likopenës, fitonutrientit i cili ua jep ngjyrën e kuqe dhe veçoritë antioksidative domateve, për organizmin tonë janë më të mira pas zierjes.

Likopena ka veçori antibakteriale dhe antikërpudhore, ndërsa e lidhin edhe me parandalimin e kancerit të prostatës dhe inflamacionet e mishit të dhëmbëve.

Çfarë arrihet me zierjen, në të vërtetë?

Me zierje energjia bartet nga burimi i nxehtësisë në ushqim, prandaj ushqimi zakonisht është më lehtë i tretshëm. Ndërsa intensifikohet edhe shija.

Zierja adekuate shkatërron edhe bakteret të cilat mund të shkaktojnë helmimin me ushqim.

Ushqimin e pasur me vitaminë C ose tiaminë, të cilët janë të ndjeshëm në nxehtësi, duhet ta vendosni në ujë vetëm pasi që uji të vlojë, dhe ta nxirrni sapo të zihet. Ndërsa perimet e prera imët do të humbin më shumë materie ushqyese gjatë zierjes se sa ato në copa më të mëdha.

Toka dhe kultivimi, më të rëndësishme se zierja

Kualiteti i perimeve varet, para së gjithash, nga lloji i kultivimit, a bëhet fjalë për organik apo për atë tek i cili përdoren pesticidet, nga kualiteti i tokës, ujitja dhe sasia e diellit.

Mos harroni që sheqeri dhe produktet e miellit të bardhë janë ushqime që duhet të shmangen, dhe jo perimet e ziera që ende janë të pasura me materie ushqyese.

Edhepse zierja shkatërron disa materie ushqyese, në disa raste largon helmet nga bimët, i bën më lehtë të tretshme, intensifikon shijen dhe forcon disponueshmërinë biologjike të nutrientëve. Për shkak të balancimit të ushqimit rregullisht shijoni edhe perimet e paziera. /Telegrafi/

The post Perime të ziera apo të paziera – çka është më mirë appeared first on Telegrafi.

Si të hani shëndetshëm dhe të fitoni pak “butësi”

Kush lufton kundër vrimave të pashpjegueshme të gjilpërës së bilancit mund të duket i çuditshëm, por ka njerëz për të cilët të qenit shumë i dobët është një problem serioz pothuajse aq sa mund të jenë edhe kilet e tepërta, sepse të qenit nënpeshë përbën rrezik për shëndetin.

Të qenit shumë i dobët nganjëherë është pasojë e një sëmundje dhe si e tillë është përgjegjësia e mjekut; në raste të tjera ka të bëjë me zakone të gabuara të ngrënies ose të pritshmërive të ekzagjeruara dhe të pasakta që kemi ndaj imazhit të vetvetes; në këto raste mund të bëjmë diçka.

Sidoqoftë, nëse jemi nën peshë, gjithmonë është e këshillueshme që të konsultohemi me një mjek dietolog ose me një nutricionist.

Çfarë thotë pasqyra? – Për të vlerësuar me saktësi “masat” tona është e këshillueshme të mbështetemi në tabela dhe vlera objektive dhe jo në ndjekjen e treguesve të pasqyrës. Imazhi ynë i reflektuar ndonjëherë “mendon” shumë më tepër sesa imagjinojmë, veçanërisht nëse nuk jemi të kënaqur me gjendjen tonë fizike.

Ekziston vërtet një çrregullim i vërtetë, i quajtur dysmorphia, për shkak të së cilës ne nuk e perceptojmë saktë pamjen tonë të jashtme. Përveç shfaqjes në rastin e disa sëmundjeve reale, të tilla si ato të vajzave anoreksike që vazhdojnë të shohin veten e tyre me shumë mish edhe pse ato janë në fakt kockë e lëkurë, një pikëpamje e shtrembëruar e vetes mund të vijë nga dëshira e sëmurë për t’u përshtatur me kanunet estetike nga mjedise të caktuara shoqërore, ose nga ankthi i shikimit si modeli i paarritshëm i modeleve më të mira ose nga tavanet tona të preferuara.

Për të ditur nëse jemi shumë të dobët ose shumë të rrumbullakët është më mirë të mbështetemi në numra, siç është marrëdhënia midis lartësisë dhe peshës dhe, më mirë se çdo gjë, në mendimin e një specialisti.

Trup i shëndoshë dhe trup i dobët – Në terma të përgjithshëm mund të themi se është nën peshë kur indeksi i masës trupore është më pak se 18.5. Meqenëse trupi ynë është i përbërë nga masa e muskujve të mprehtë dhe masa e yndyrës, në vend që thjesht të rritet pesha, ne duhet të përpiqemi të rrisim indeksin tonë, në mënyrë që ta sjellim atë më afër vlerave normale, midis 18.5 dhe 25.

Në vend që të përqendroheni në rritjen e masës së shëndoshë, e cila megjithatë duhet të mbetet brenda kufijve të përcaktuar për të siguruar shëndet të mirë, është e përshtatshme për të rritur masën e muskujve të ligët, duke ruajtur kështu një marrëdhënie të saktë mes këtyre dy komponentëve.

Dieta që ju shëndosh – Nëse duam të rimëkëmbemi pak nga pesha pas një periudhe ku lodhja dhe stresi ka qenë i stërmadh dhe kilet që duhet të shtojmë janë më së shumti tre ose katër (në të gjitha rastet e tjera kjo është e papërshtatshme), ne mund të ndjekim një plan ushqimi të ekuilibruar duke e kombinuar atë me një sport të shëndetshëm që ndihmon për të rritur masën e muskujve, pa tejkaluar prodhimin e yndyrës.

Në përgjithësi, një ekuilibër i mirë për të vënë peshë në mënyrë të shëndetshme, është rritja e konsumit kalorik prej rreth 10% në krahasim me planin e ushqimit që e mban të qëndrueshëm bilancin. Për shembull, nëse kërkesa jonë e përditshme e energjisë është 1.900 kalori, mjafton të arrijmë 2.090 për të rritur peshën në mënyrë korrekte.

Çfarë të hani – Natyrisht, të ushqehesh me ‘fast food’ dhe pije të gazuara nuk është zgjidhje. Përkundrazi, ne kurrë nuk duhet të harrojmë rregullat e të ngrënit të shëndetshëm, duke e mbajtur nën kontroll nënproduktin e sheqernave dhe yndyrave të thjeshta. Është më mirë të favorizosh, gjithmonë pa teprime, proteinat e mishit të bardhë, peshkut, vezëve, produkteve të qumështit të mishit dhe mbi të gjitha bishtajore.

Ju gjithashtu mund të përdorni karbohidrate komplekse të tilla si ato të furnizuara nga kokrra të plota, nga makarona dhe orizi që janë gjithnjë të plota. Është gjithashtu mirë të kesh një meze të lehtë në mes të mëngjesit dhe ëmbëlsirave, ndoshta bazuar në fruta të thata ose të grumbulluara ose madje edhe fara vaji. Kjo e fundit mund të shtohet edhe në sallatë. Ideja ideale është gjithmonë vaj ulliri ekstra i virgjër. Sugjerimi për të konsumuar pesë porcione të frutave dhe perimeve është gjithnjë e vlefshme, por megjithatë nuk duhet të tejkalohet marrja e fibrave, të cilat kufizojnë thithjen e yndyrave nga trupi. Dhe sigurisht, nuk ka asgjë më të mirë se pak çokollatë e errët.

Aktiviteti fizik – Sporti në të vërtetë ndihmon për të djegur kalori dhe kështu mund të duket një kundërsens për të bërë shumë aktivitet fizik kur përpiqemi të vëmë peshë.

Në të vërtetë, përfitimet e trajnimit janë aq të shumta saqë e bëjnë atë gjithnjë të këshillueshëm: është e mundur të ndiqni këshillat e një instruktori të mirë për të ndjekur një plan të stërvitjes që na ndihmon për të forcuar masën e muskujve. Sepse edhe muskujt kanë peshën e tyre dhe janë gjithë shëndet. /Telegrafi/

The post Ç’duhet të bëni nëse jeni të dobët dhe doni të shëndosheni appeared first on Telegrafi.