Më shumë se 50 për qind e amerikanëve e kanë traditë kafen e mëngjesit. Shumë njerëz e konsiderojnë atë mënyrën më të mirë për t’u zgjuar

Megjithatë, pirja e kafes mund të rrisë në mënyrë drastike nivelin e kalorive, aq sa mund të të shkatërrojë edhe shëndetin, por nëse je i/e kujdesshëm, atëherë mund ta reduktosh këtë.

Kafja në vetvete është pothuajse pa kalori, por suplementet që shtojmë në të mund të rrisin në mënyrë të ndjeshme kaloritë. Kafja me qumësht mund të shtojë deri në 300 kalori, ndërsa një çokollatë e bardhë mocha mund të shtojë 400 kalori në konsumin e përditshëm.

Fatmirësisht, ka mundësi që edhe në një filxhan kafe të reduktosh kaloritë. Ja si:

Ndrysho qumështin

Nëse përpiqesh që kafen me qumësht ta pish duke hedhur qumësht më të lehtë, mund të arrish të reduktosh deri në 65 kalori në filxhan. Ideal për kafen është qumështi i sojës ose ai i orizit, në krahasim me qumështin e lopës, i cili ka më shumë kalori edhe për shkak të yndyrës.

Redukto sheqerin

Sheqeri përmban 16 kalori në një lugë çaji dhe shumica e njerëzve në një kafe hedhin më shumë se një lugë. Ndërsa e ëmbla është tërheqëse, përfundimisht është një shtesë e vazhdueshme e kalorive. Provo të përdorësh sheqer diabetik artificial apo natyror. Sigurisht, mënyra më e mirë është ta reduktosh.

Shmang kremin

Nuk ka asgjë më të mirë se sa një filxhan kafe me krem, por nëse do shohësh kaloritë, të shmangësh kremin është mënyra më e mirë në këto raste. Mund të jetë shumë e shijshme me krem, por çdo lugë çaji shton afërsisht 10 kalori.

Pi më pak

Sasia e tepërt, në çdo gjë mund është e keqe. E njëjta gjë mund të ndodhë edhe me kaloritë, nëse vijon të pish kafe me filxhan të mëdhenj. Mundohu që edhe kafen ta pish në mënyrë të moderuar. Pak kafe, më pak kalori.

Pi pak ujë

Uji ka cilësi fantastike. Për fat të keq, shumë njerëz nuk pijnë shumë ujë gjatë ditës dhe në fund vuajnë nga dehidratimi apo shumë sëmundje të tjera që shkaktohen nga mungesa e lëngjeve. Nëse je i/e etur dhe pi kafe, ke bërë një gabim të madh. Kafja ka veti që të dehidratojë, kështu që pi pak ujë me një fetë limoni brenda sa herë të kesh etje.

Bëje kafen në shtëpi

Në ditët tona, njerëzit janë shumë të zënë që ta bëjnë vetë kafen, edhe me mënyrat moderne të të bërit të kafes. Është mënyrë më e thjeshtë të shkosh dhe ta porositësh në barin më të afërt. Megjithatë, baret, shpesh ofrojnë kafe me shumë suplemente shtesë, si sheqer apo shurup. Nëse e bën vetë kafen në shtëpi, mund t’i hedhësh gjithçka dëshiron dhe sasinë që dëshiron po ashtu. Ose, kur e blen kafen, mund të kërkosh të zezën për të reduktuar shtimin e kalorive.

Përdor shurup pa sheqer

Një suplement tjetër i kafes që shton kaloritë është edhe shurupi, të cilin mund ta zgjedhësh pa sheqer, për të reduktuar shtimin e tyre. Shumica e lokaleve ofrojnë shurup pa sheqer, kështu që nuk do të kesh kalori të shtuara.

Shto erëzat

Kafja dhe suplementet mund të shtojnë kaloritë, por, nëse përdor erëza në kafe, ajo do të ketë një shije të veçantë, pa sheqer dhe pa yndyra. Kanella, karafili apo vanilja janë erëzat më të mira që mund t’ia shtosh kafes së mëngjesit.

Shto akull

Arsyeja për këtë është se akulli zë hapësirë në gotë a filxhan, pra redukton sasinë e lëngut. Rrjedhimisht do të pish më pak dhe do të marrësh më pak kalori. Kafja me akull është pa yndyrë, nuk ka karbohidrate, as kalori, njëlloj si kafja e zezë pa qumësht.

Pi kafen e zezë

Shumë studime rekomandojnë të pish kafen e zezë për të gjitha të mirat shëndetësore që sjell. Vetëm kafja ka 1 kalori për filxhan, kështu që nëse mësohesh të pish kafe të zezë, ajo nuk do të jetë kurrë shkaku i shtimit në peshë. Nëse e bën në shtëpi dhe të freskët, kafja gjithashtu nuk ka kalori, as yndyrë. Nëse ke probleme me shëndetin, shmang pirjen e disa kafeve në ditë. /Telegrafi/

The post Si t’i hiqni kaloritë nga kafja e mëngjesit, 10 mënyra të thjeshta efektive appeared first on Telegrafi.

Dietat e tejngopura me proteinë janë shumë të përhapura kohët e fundit, veçanërisht te ai grup njerëzish që synon rënie (drastike) në peshë

Sipas vëzhgimeve shkencore, dietat e këtilla, shoqëruar me kufizim karbohidratesh lidhen drejtpërsëdrejti me rritjen e rrezikut për sëmundje të zemrës, humbjen e masës së brendshme kockore apo kancerin e sistemit të tretjes.

Një studim nga Instituti i Kërkimeve Shëndetësore dhe Mjekësore të Australisë Jugore i barazon dhe fut të gjitha dietat (high-protein, me shumë proteinë) në një thes.

E gjitha kjo për një arsye të vetme, emëruesin e tyre të përbashkët- proteinën, e cila rezulton se mund të jetë vetë problemi.

Studimi u konceptua si një hetim që do të nxirrte në dritë të vërtetën që fshihet pas personave që ndjekin të tilla dieta dhe vdekjes së hershme.

U vu re se sa më shumë proteina të konsumojë njeriu, aq më shpejt ndodh sinteza e proteinave në qeliza dhe sa më shpejt të realizohet e gjitha kjo, aq më shumë gabime/probleme prodhohen, gabime që ndikojnë në jetëgjatësi.

Shkenca e ka ditur edhe më parë që sa më shumë proteina të hash as më shumë të shkurtohet jeta, por tani e dimë edhe arsyen përse.

“Ekipi ynë demonstroi se rritja e nivelit të lëndëve ushqyese përshpejton sintezën e proteinave brenda qelizave. Sa më shpejt ndodh procesi aq më proteina të gabuara krijohen brenda qelizave duke rrezikuar shëndetin.” deklaroi profesori Christopher Proud, udhëheqës i studimit. /Telegrafi/

The post Pse dietat me ‘shumë proteina’ po të shkurtojnë jetën! appeared first on Telegrafi.

Kjo bimë barishtore është plot vitamina dhe veprimi saj dobiprurës për shëndetin është i shumëfishtë

Në cilëndo qoftë mënyrë që ta përgatisni apo hani, shpargullin në mënyrë shumë të thjeshtë mund ta përfshini në ushqimin tuaj, transmeton Telegrafi.

Pos që ka pak kalori dhe është i pasur me fibra, forcon imunitetin tuaj dhe është burim i fuqishëm i antioksidanteve.

Më i fuqishmi ndër ta quhet glutation dhe i ndihmon organizmit t‘i zbërthejë materiet kancerogjene, gjë që e bën përbërës të shkëlqyeshëm për detoksikim.

Në vetëm 100 gramë shpargull të freskët gjenden: 210 mg kalium, 20 mg kalcium, 20 mg magnez, 45 mg fosfor, 1 mg hekur, 500 mg vitaminë A, 0,11 mg vitaminë B1, 0,12 vitaminë B2, 0,60 mg vitaminë B6, 1 mgniacin, 20 mg vitaminë C, 2,5 mg vitaminë E.

Sasitë e mëdha të vitaminave A, C dhe E i ndihmojnë organizmit në luftën kundër infeksioneve të ndryshme, ndërkaq përmbajnë edhe nivel të lartë të amino-thartirave të cilat kanë rol të diuretikëve natyralë.

Me urinim të shpeshtë jo vetëm që nxirret jashtë uji i panevojshëm, por organizmi lirohet edhe nga teprica e kripës. Kjo mund të ketë efekt pozitiv në rregullimin e shtypjes së gjakut, por ndihmon edhe në kontrollimin e disa sëmundjeve që kanë të bëjnë me zemrën.

Shpargulli i gjelbër apo i bardhë?

Nëse keni pyetur ndonjëherë përse shpargulli mund të gjendet edhe në variantin e bardhë, përgjigjja është shumë e thjeshtë.

Shpargulli i bardhë thjesht nuk ka pasur dritë të mjaftueshme të diellit derisa është rritur (për këtë shkak nuk ka e marrë ngjyrën e njohur të gjelbër), mirëpo në të vërtetë nuk ka kurrfarë dallimi midis tyre – kanë tërësisht të njëjtën shije dhe materie ushqyese. /Telegrafi/

The post Perime e cila bën mrekulli: Shpargulli rregullon shtypjen, shëron infeksionet urinare dhe mbron zemrën! appeared first on Telegrafi.

Çaji konsiderohet shumë i dobishëm, mirëpo po ashtu është shumë me rëndësi që të mos i bëni gabimet e zakonshme të cilat mund ta bëjnë pije të rrezikshme

Hulumtimi i publikuar në “Journal of Food Composition and Analysis” ka treguar që qeset e çajit me aromë frutash  përmbajnë 30 herë më shumë nivele plumbi dhe alumini, transmeton Telegrafi.

Këta dy përbërës ndikojnë shumë negativisht në organet tona, para së gjithash, në veshka dhe zemër.

Pra, nëse e doni çajin me limon, bëjeni atë çajin e zakonshëm të gjelbër duke i shtoni lëvore limoni të pa spërkatur, në vend që ta blini atë me shije të agrumeve të parapëlqyera. Harrojeni këtë!

Kurrë bashkë me ushqim

Duhet ditur edhe se çaji përkeqëson absorbimin e hekurit, pra kjo pije nuk rekomandohet të merret pas racionit. Lejoni trupit që normalisht ta tresë ushqimin, dhe vetëm pastaj pini çaj.

Pirja e çajit menjëherë pas racionit përkeqëson gjendjen e lëkurës, flokëve dhe thonjve, kështu që nutricionistët këshillojnë të pini çaj vetëm pas 40 deri 50 minutave pas ushqimit.

Nuk bën ta injorojmë këtë fakt – çaji tepër i fortë mund të shkaktojë akumulim të fluorit në eshtra. Si rezultat, shfaqen problemet me dhëmbët dhe eshtrat, të cilat me kalimin e kohës do të bëhen tepër të brishtë.

Prandaj, nëse e doni çajin të fortë, mos pini më shumë se katër filxhanë në ditë. Përdorimi i shpeshtë ndikon negativisht në trupin tuaj, gjë që nuk do ta vëren menjëherë, mirëpo me siguri do ta vëreni pas disa vjetësh.

Si ndikon keq…

Shumica e njerëzve mendojnë që çaji nuk ndikon në cilësinë e gjumit dhe duke u frikësuar nga pasojat e kafes së pirë, para shkuarjes në gjumë, pinë çaj. Mirëpo pa dobi.

Mjekët theksojnë që çaji zgjon sistemin nervor, madje edhe nëse flini pa problem, gjumi do të jetë i sipërfaqshëm, ndërkaq në mëngjes do të zgjoheni të dërrmuar.

Prandaj, para se të shkoni në shtrat, në vend të çajit më me dëshirë pini një filxhan qumësht. /Telegrafi/

The post Gabimet që e bëjnë çajin pije të rrezikshme appeared first on Telegrafi.

Kur gjatë drekës ose darkës e teproni, por edhe në rastet kur hani sasi të moderuar të ushqimit, është e domosdoshme t’u përmbaheni disa rregullave që ushqimi të tretet sa më mirë.

Rregullat kanë të bëjnë me atë se çka nuk duhet të bëni menjëherë pas shujtave kryesore.

– Mos e lironi rripin në pantallona, sepse mund të vijë deri te bllokada e zorrëve gjatë tretjes.

– Mos e ndizni menjëherë cigaren. Është konstatuar që një cigare pas ushqimit mund të ketë ndikimin e njëjtë në organizëm sikur të keni pirë dhjetë.

– Mos hani pemë menjëherë. Në të kundërtën, stomaku do t’u mbushet me ajër. Ekspertët rekomandojnë konsumimin e pemëve një orë para ose pas ushqimit.

– Mos e teproni me çaj. Pse? Gjethet e çajit përmbajnë sasi të madhe të acideve të cilat do forcojnë ushqimin e pasur me proteina që e keni ngrënë dhe kështu mund të shkaktojnë çrregullime në tretje.

– Mos u lani, sepse me larje do të rritni tensionin e gjakut në duar, këmbë dhe trup dhe njëkohësisht do të dobësoni tensionin në stomak, çka do të ngadalësojë procesin e tretjes.

– Mos shkoni në shëtitje. Edhe pse është folur gjatë që pas ushqimit duhet të bëni njëqind hapa për të përjetuar njëqindëshin, është vërtetuar që shëtitja mund të çojë deri te ajo që tretja të mos absorbojë përbërësit nutritivë nga ushqimi i konsumuar.

– Mos shkoni menjëherë në gjumë. Për shkak të pozitës horizontale, ushqimi i ngrënë nuk tretet në mënyrë të mirë, dhe kjo mund të shkaktojë çrregullime në zorrë. /Telegrafi/

The post Gjërat që nuk duhet t’i bëni pas buke appeared first on Telegrafi.

Që ky frut i thatë na bën mirë nuk është një lajm i ri, por tani duhet ët dimë se çdo lloj ka avantazhe të veçanta

Sidoqoftë, është e ndaluar të konsumosh doza të mëdha, për shkak se ato janë shumë kalorike.

Rekomandohen në fund të vaktit, si një meze e lehtë, në mëngjes, për të pasuruar një pjatë: frutat e thata janë të mira për shëndetin tuaj dhe nuk ka dyshime për këtë.

Por, që kjo bajame mund të jetë një “pastrues” i shkëlqyer anti-kolesteroli është një risi: në fakt duket se po të hash çdo ditë nga pak është e lidhur me një përmirësim në funksionimin e kolesterolit “të mirë” HDL, ai që analizoi vazot për të mbledhur dhe shkatërruar kolesterolin e tepërt që mund të “bllokonte” arteriet që favorizonin infarktin.

Këtë e tregoi në një grup vullnetarësh Penny Kris-Etherton, një nutricionist në Universitetin e Pensilvanisë, i cili donte të hetonte se çfarë ndodh me kolesterolin HD me një konsum të rregullt të bajameve.

Efektet

“Ky lloj fruti ka efekte pozitive në nivelet e kolesterolit në përgjithësi, por deri më tani nuk dimë shumë nga veprimi specifik në HDL, i cili në kundërshtim me LDL (kolesteroli “i keq”) ndihmon në reduktimin e rrezikut kardiovaskular”, shpjegoi Kris-Etherton.

Për të sqaruar, një grup vullnetarësh iu nënshtruan analizave të gjakut dhe pastaj për gjashtë javë në një dietë që përfshinte 43 gram bajame (pak më shumë, pastaj, nga “doza” standarde e cila është rreth 30 gramë, e barabartë me rreth njëzet bajame); pastaj, pas përsëritjes së testeve të gjakut, të njëjtët pjesëmarrës ndoqën një dietë të njëjtë, por hëngrën një fetë banane si një meze të lehtë dhe më pas u nënshtrohen testeve përsëri.

Mekanizmi

Gjetjet e publikuara në ‘Journal of Nutrition’ në shkurt, tregojnë se frutat e thata jo vetëm që rritin nivelet e HDL, por përmirësojnë funksionalitetin: “Këto grimca janë shumë të vogla kur ato formohen, – vëzhgon hulumtuesi.

– Ato janë si qese plehrash, fillimisht të zbrazëta dhe pastaj më të gjera dhe më rrumbullake sa ata mbledhin kolesterolin LDL në shumë nga vazot për ta marrë atë në mëlçi. HDL është e ndarë në pesë “popullata” të ndryshme: kemi vlerësuar entitetin e secilit për të kuptuar nëse ajo e HDL më të “fryrë” të kolesterolit ishte më e bollshme pas dietës me bajame, një shenjë e një rritje të funksionalitetit e vetë HDL-së.

Kjo ndodh vetëm në këtë mënyrë: pjesa e kolesterolit më të madh HDL rritet me 19 për qind, funksionaliteti me 6.4 për qind. Kjo do të thotë se HDL është duke bërë edhe më mirë se zakonisht puna e saj si një pastruese, duke rikuperuar më shumë kolesterol në rreth”.

Rreziqet kardiovaskulare

Tek ata që janë obezë ose mbipeshë, bajamet gjithashtu reduktojnë kolesterolin LDL me 7 për qind, siç tregohet nga një studim tjetër nga i njëjti studiues i paraqitur në ‘Journal of the American Heart Association’ javët e fundit: nuk bëhet fjalë për një kurë, por është megjithatë, një mënyrë e mirë për të përmirësuar profilin e rrezikut kardiovaskular edhe falë fibrave, vitaminës E dhe yndyrave, nga të cilat bajamet janë të pasura.

“Ato janë një meze e lehtë e përkryer, nëse i hani me masë”, thotë Kris-Etherton.

Jo më shumë se tridhjetë gramë në ditë

Thirrja për doza është e domosdoshme për shkak se bajamet, si të gjithë frutat e thata, janë shumë energjike (600 kalori për hektogram): ideale është të marrësh 30 gramë fruta pa guaskë ose 20-25 nëse ndjek një dietë të ulët kalorike.

Më mirë pastaj të alternoni lloje të ndryshme të frutave të thata, pasi secili ka karakteristika të veçanta: bajamet, për shembull, kanë një fuqi më të ulët antioksiduese se arrat dhe lajthitë, por ato janë më të pasura me vitaminë E dhe proteina bimore. /Telegrafi/

The post Bajamet, “spërkatësit” e arterieve. Pse dhe sa duhen ngrënë appeared first on Telegrafi.

Sado që të shkruhet apo të flitet për aditivët, njerëzit sërish shumë pak dinë për ndikimin e tyre. Aq më parë kur është fjala për fosfatet

Tani keni rastin që të mësoni për aditivin i cili gjendet pothuajse në çdo artikull ushqimor, transmeton Telegrafi.

Fosfatet gjenden në formë aditivësh në shumë artikuj. Edhe pse ekzistojnë shumë studime të cilat i lidhin këto bashkime kimike me karcinomet, madje edhe me sindromën e vdekjes së hershme, nuk dihet saktësisht sa fosfor futet në këtë mënyrë në organizëm.

Pra, çfarë janë fosfatet?

Fosfori është mineral i cili gjendet në shumë artikuj me proteina siç janë mishi, vezët dhe peshku dhe nevojiten për punë të mirë të veshkave, si edhe për ndërtimin e muskujve dhe eshtrave.

– Gjendet pothuajse në çdo qelizë të organizmit tuaj – thotë nutricionistja Jessica Cording e cila shton që ai shpesh është në koleracion me kalciumin dhe që bashkë me të i bën konkretisht eshtrat të forta.

Nga ana tjetër, fosfatet nuk janë bashkime natyrale. Ato janë derivate të fosforit të cilat në mënyrë artificiale në formë aditivi u shtohen ushqimit.

Gjenden në djathëra si emulgatorë për përzierje të ujit dhe vajit, në pije të gazuara, çaje të ftohta, në qumështin pluhur, kafe, puding.

Ajo që është befasuese është që gjendet në mishin e shpezëve dhe të derrit, si edhe në frutat e detit.

Fosfatet përdoren edhe për ngjyrosje të ushqimit.

Cili është dallimi midis fosforit natyral dhe aditivit?

Trupi ynë ka mundësi të absorbojë midis 50 dhe 60 për qind të fosforit natyral nga ushqimi që e hamë. Mirëpo, kur është fjala për aditivët ajo shifër shkon edhe deri në 90 për qind.

– Kur është fjala për ushqimin natyral, fosfori më së shpeshti lidhet edhe me disa minerale, p.sh., kalciumin i cili vështirë lidhet, derisa si aditivë lehtë përpunohen dhe edhe më lehtë thithen në organizëm – thotë nutricionistja Cording dhe shton që kjo do të thotë stërngopje e organizmit, përkatësisht shtresim i panevojshëm i bashkimit të krijuar artificialisht.

Kështu rrënohet balanca midis fosforit dhe natriumit dhe pengohet absorbimi i drejtë i mineralit tjetër.

Rast i njëjtë është edhe me magnezin. Duhet përmendur që sasia e pamjaftueshme e natriumit dhe magnezit paraqet rrezik të madh për sëmurje të organizmit nga sëmundje të rënda.

A ekziston rreziku për shëndetin nga marrja e fosfateve?

Në artikuj më së shpeshti gjendet fosfat-natriumi, i cili gjendet në pothuajse 6.000 artikuj të cilët janë verifikuar, mirëpo t’ju rikujtojmë që shumë kompani fare nuk matin nivelin e fosfatit në ushqim.

Fosfat-natriumi mund të jetë i rrezikshëm për punën e veshkave tuaja, por edhe mund të çrregullojë pasqyrën e gjakut në organizëm, me çka rrënon drejtpërdrejt punën e tij.

– Fosfori në formë aditivi i cili lehtë absorbohet është treguar që rrënon shëndetin e sistemit kardiovaskular, por mund të ndikojë edhe në përqendrimin tepër të madh të kalciumit në gjak gjë që krijon trombë – thotë Cording dhe shton që kjo nuk është e gjitha.

Në të vërtetë, është dëshmuar që fosfatet ndikojnë në ngritjen e shtypjes së gjakut dhe kështu shkaktojnë rrezik gjithnjë e më të madh nga pika në tru.

E vetmja gjë që është kontestuese është ajo që pothuajse të gjitha studimet bazohen në lidhjen e fosforit me sëmundjet, mirëpo asnjëra nuk zbulon shkaktarin e reaksionit të tillë të organizmit ndaj këtij bashkimi.

– Ajo që është dëshmuar që njerëzit, organizmat e të cilëve absorbojnë më shumë fosfate, marrin më shumë ushqim të përpunuar sesa produkte të freskëta – thotë nutricistja Christy Brissette.

Sa është e lejuar të futen fosfate në organizëm?

Brissette shpjegon që norma e marrjes së fosfateve është rreth 700 mg.

Shkencëtarët supozojnë që njeriu mesatar sot merr së paku sasi të dyfishtë të fosfateve nga sasia e lejuar.

Si të shmangni fosfatet?

Më së miri do të ishte që fare të mos merrni produkte të përpunuara, sepse nuk ekziston garancia që nuk përmbajnë këto materie.

Siç u përmend tashmë, fosfori në formë natyrale gjithnjë e vështirë absorbohet, andaj është sigurt të merren të gjithë artikujt që e përmbajnë. /Telegrafi/

The post Çdo gjë që duhet patjetër ta dini për fosfatet – aditiv i rrezikshëm i cili gjendet pothuajse në secilin artikull që hani appeared first on Telegrafi.

Nuk është e mjaftueshme vetëm të nxirrni yndyrat e këqija, por edhe t’i fusni në organizëm ato më të rëndësishmet

Thartirat esenciale yndyrore zvogëlojnë rrezikun nga koagulimi i gjakut, nxisin ndërtimin e qelizave të trurit, mbrojnë nga sëmundjet e zemrës, transmeton Telegrafi.

Ndër nutrienët më të rëndësishëm janë omega-3 e thartirës yndyrore, të cilat shpesh i marrim në sasi të pamjaftueshme.

Fjala është për acidet esenciale yndyrore të cilat kanë rol të rëndësishëm në organizëm, zvogëlojnë rrezikun nga krijimi i koagulimit të gjakut, nxisin ndërtimin e qelizave të trurit dhe bashkë me to mbrojnë edhe nga sëmundjet e zemrës dhe të enëve të gjakut, të tipave të caktuar të kancerit, madje edhe nga dobësimi i kujtesës të shkaktuar nga plakja.

Rekomandohet që rreth dy për qind të marrjes së sasisë së kalorive gjatë ditës të jetë në formë të omega-3 të thartirave yndyrore, gjë që do të ishin rreth dy gramë për ushqimin prej 2.000 kalorive në ditë.

Arrat

Vetëm 30 gramë arra (rreth një filxhan) përmbajnë rreth 2,5 gramë omega-3 të thartirave yndyrore, që i bën arrat një ndër burimet më të mira të këtij nutrieni esencial. Bashkë me to, kjo sasi bërthamash të arrave përmban rreth katër gramë proteina dhe rreth dy gramë fibra, kështu që kjo pemë është burim i shkëlqyeshëm për konsum mes racioneve gjatë ditës.

Avokado

Avokado është ndër më të mirat që mund të hani, meqenëse përfitimet shëndetësore që sjell ky ushqim janë të bollshme. Avokado mund të përdoret në disa mënyra. Përgatiteni me sallatë ose në sandviç. Avokadot janë të pasura me rreth 20 vitamina dhe minerale. Gjysma e një avokadoje mesatare është prej 115 deri 160 kalori.

Kungulli

I njohur për përmbajtje të lartë të beta-karotenit të shëndetshëm, kungulli është i pasur edhe me omega-3 yndyra. Një filxhan pure kungulli ka rreth 50 miligramë omega-3 të thartirave yndyrore. Bashkë me këto, farat e lirit janë burim i mirë i fibrave, gjë që është edhe një arsye më shumë që farat e lirit t’i shtoni në sallatë, në qull, jogurt apo smoothie.

Bishtajoret

Jo vetëm që janë burim i shkëlqyeshëm i proteinave, por në 200 gramë tofu ka rreth 1,2 thartira omega-3, ndërsa një filxhan fasule ka një gram (që është gjysma e dozës ditore).

Vezët

Përmbajnë 13 vitamina dhe minerale dhe proteina me cilësi të lartë, si edhe omega-3 e thartirave yndyrore, ndërkaq një vezë e zier ka vetëm 70 kalori.

Peshku i yndyrshëm

Salmoni dhe toni janë ndër burimet më të mira dhe më të shëndetshme të omega-3 të thartirave yndyrore. /Telegrafi/

The post Cilat janë burimet më të shëndetshme yndyrore appeared first on Telegrafi.

Ditëve të ftohta më së shpeshti paraqiten turfullimi, hunda e mbyllur, kolla, teshtitja, dhembja e fytit, temperatura e ngritur… Qysh te simptomat e para mendojmë se si të mbrohemi

Edona Llonçari
edona.lloncari@flp.com

Para se të merrni medikamentet e zakonshme, mbrohuni nga gripi dhe ftohjet në mënyrë natyrale, transmeton Telegrafi.

Shumë shpesh dëgjojmë të thonë njerëzit që kanë grip, madje edhe atëherë kur është fjala për ftohje të zakonshme. Prandaj, duhet sqaruar se çfarë është gripi, e çfarë ftohja dhe cilat janë dallimet.

Duke pasur parasysh që simptomat janë shumë të ngjashme, dallimi i rëndësishëm midis ftohjes dhe gripit është në intensitetin e atyre simptomave.

Gripi shfaqet papritur, mund ta ndieni shumë mirë gjithë ditës dhe në mbrëmje vrullshëm t’i ndieni simptomat. Nevojiten disa orë që të shfaqet kolla, dhe atëherë papritur ethet, molisja dhe dhembja e muskujve dhe e trupit.

Ftohjes i nevojitet pak më shumë kohë që të shfaqen simptomat, ashtu që atë gjithsesi duhet ta vëreni. Kur ndiheni keq pas punës apo shkollës, më se e sigurt është fjala për ftohje, duke pasur parasysh që gripi ka simptoma me intensitet shumë më të fuqishëm.

Molisja ekstreme shfaqet si simptomë e ftohjes dhe e gripit, mirëpo kryesisht lidhet me gripin. Te gripi kjo simptomë zgjat me javë (apo derisa të mos shëroheni), derisa ftohja është shumë e butë dhe afatshkurtër, nëse fare është e pranishme.

Nëse nuk kemi investuar shumë përpjekje më herët në forcimin e organizmit tonë, një herë kur sëmuremi të gjitha përpjekjet shkojnë huq.

Të gjitha vitaminat, mineralet dhe shtesat të cilat i konsumojmë kur shfaqet sëmundja nuk do të ndryshojmë shumë rrjedhën sëmundjes dhe këndelljes. Ndaj, duhet të përdorim disa artikuj natyralë për ngritje të imunitetit kur sëmuremi.

Bima e cila ka rolin më të madh në industrinë kozmetike, aloe vera, është e para në listën e të sëmurëve. Aloe vera është bimë e cila është shumë shëruese.

Marrja e saj ngre imunitetin dhe na ndihmon që të ndihemi më mirë edhe para se të këndellemi. Më së shpeshti konsumohet në formë lëngu.

Alove vera përmban 20 deri 22 amino-thartira esenciale, 7 deri 8 thartira yndyrore esenciale, enzima, thartirë salicine, që do të thotë që ka veprim kundër inflamacionit, si dhe shumë substanca të dobishme.

Xhelatina stimulon sistemin e imunitetit të organizmit, ka edhe veprim antibiotik, kundër inflamacionit dhe antiseptik.

Kërkimet shkencore provojnë se efekti kryesor i aloe veras, domethënë aktivizimi i sistemit tonë të imunitetit, bazohet në përbërësin aktiv akemanan (një kompleks karbohidratesh), i cili thithet nga zorrët dhe grumbullohet në membranat e qelizave. Ky përbërës rrit rezistencën e çdo qelize të veçantë kundër viruseve të dëmshme dhe baktereve.

Përbërja e të ashtuquajturve antioksidues që gjenden në aloe vera, vitaminat A, C dhe E, niveli i lartë i aminoacideve çon në forcimin e kockave, muskujve, një shpërndarje të mirë të oksigjenit brenda organizmit, një sistem të fortë imuniteti si dhe një mendje të mirëekuilibruar.

Përveç hekurit, kalciumit dhe magnezit, bima shëruese siguron gjithashtu sasi shumë të mëdha kaliumii, të nevojshme për të rregulluar balancën e ujit në trupin tonë. /Telegrafi/

The post Antibiotiku natyral: Forconi imunitetin me ndihmën e Aloe verës, shmangni gripin dhe ftohjen appeared first on Telegrafi.

Problemet e tretjes të cilat përfshijnë fryrjen, diarrenë, gazrat dhe dhimbjet e barkut madje gjashtë herë më shumë ndikojnë tek femrat se tek meshkuj.

Përpiquni t’i zgjidhni problemet e stomakut duke e përjashtuar ushqimin që i shkakton ato dhe duke e zëvendësuar atë me ushqim të mirë për të gjithë organizmin tuaj.

Papaja – është përdorur tradicionalisht për trajtimin e ulcerave gastrike, nervozizmit të stomakut dhe diarresë. Papaja përmban papainë, një enzimë natyrore e cila ndihmon tretjen e ushqimit i cili vështirë tretet në stomak.

Bollguri – është një burim i pasur me fibra të tretshme dhe të patretshme. Për shëndet të mirë të traktit të tretjes, ne kemi nevojë për të dy lloje të këtyre fibrave. Përveç kësaj, bollguri ul kolesterinën.

Avokado – përveç se është shumë e pasur me kalium, fibra dhe vajra të cilat janë të mira për shëndetin e stomakut dhe zemrës, ndihmon që zorrët tona të funksionojnë më mirë dhe prandaj gjithmonë duhet ta përfshini në ushqimet me të cilat keni vështirësi gjatë tretjes.

Mollët – Përveç se përmbajnë fibra të shëndetshme, ato kanë sasi të konsiderueshme të pektinës dhe enzimave të tjera të cilat ndihmojnë tretjen e ushqimeve të caktuara. Nëse keni stomak shumë të ndjeshëm, përpara se t’i hani, mollët piqni dhe shmangni në formë të papërpunuar.

Kanella – është e njohur si një nga ilaçet më të mira natyrore për diarre dhe nauze të mëngjesit. Ajo është gjithashtu shumë efektive për të thyer flluskat e gazrave. Mos e kufizoni përdorimin e kanellës vetëm në ushqimet e njelmëta, lirisht shtoni edhe mishit të pulës pak kanellë.

Kopra – është ilaç natyral për gazra, gjë që është një nga arsyet kryesore se pse shërbehet në restorante indiane. Vetëm gjysmë luge e vogël me fara kopre është e mjaftueshme që ta shmangni këtë fenomen të pakëndshëm. /Telegrafi/

The post Ushqimi i cili e qetëson stomakun appeared first on Telegrafi.

Nëse jeni duke u përpjekur të humbni peshën e tepërt, atëherë lëngu që jua sugjerojmë sot është mënyra më e shijshme për ta arritur qëllimin tuaj.

Lëngu ka shumë pak përbërës, ndërkaq që të gjithë ata janë shumë fitimprurës dhe e përmirësojnë shëndetin e përgjithshëm, transmeton Telegrafi.

Ky smoothie e forcon trupin, e detoksikon sistemin dhe ju furnizon me sasi të mëdha të nutrientëve.

Mollët e gjelbra e ndihmojnë procesin eh humbjes së peshës pasi që janë të pasura me pectin, i cili e redukton apetitin dhe e shpejton metabolizmin. Ato gjithashtu kanë shumë vitaminë B.

Veç kësaj, mollët e reduktojnë absorbimin e sheqerit në zorrë dhe e parandalojnë lirimin e papritur të insulinës, gjë e cila lidhet drejtpërdrejt me shtim të peshës.

Në anën tjetër, lëngu i limonit funksionon si agjent detoksikues dhe tretës, ndërkaq ndihmon në pastrimin e mëlçisë. Lëngu i limonit e shpejton edhe metabolizmin.

Tërshëra e krijon ndjenjën e ngopjes, ndërkaq përbërja e lartë e fibrave ndihmon në funksionin e sistemit tretës.

Ja si ta përgatitni këtë smoothie të shëndetshëm.

Përbërësit:

– Dy mollë organike me madhësi mesatare
– Lëngun e një limoni
– 125g tërshërë
– Gjysmë litre ujë mineral

Përgatitja:

Vendoseni ujin mineral në blender. Preni mollët në rriska dhe shtoni aty, bashkë me tërshërën. Përzini mirë.

Pastaj, në fund shtojeni lëngun e limonit, përzijeni prapë dhe pijeni lëngun menjëherë.

Sipas dëshirës, pijes mund t’i shtoni edhe akull. /Telegrafi/

The post Dy molla, një limon dhe një gotë tërshërë – bëhuni gati të humbni peshë pa kontroll! appeared first on Telegrafi.

Konsumimi i një shujte të mëngjesit të pasur me kalori mund t’jua forcojë shëndetin e zemrës, thonë hulumtimet e reja.

Hulumtuesit grekë kanë zbuluar se konsumimi i të paktën 400 kalorive në mëngjes ndërlidhet me arterie më pak të bllokuara.

Ekipi nuk e ka specifikuar se cilat ushqime konsiderohen më të mirat për shujtën e mëngjesit.

Sidoqoftë, ata kanë deklaruar se djathi, produktet e bulmetit, buka dhe drithërat janë ushqimet kryesore që janë përmendur nga pjesëmarrësit të cilët kishin konsumuar më së shumti kalori për mëngjes.

Ekspertët shëndetësorë thonë se mesatarisht një femrës i nevojiten 2,000 kalori në ditë, ndërkaq një mashkulli 2,500.

Por, në një botë moderne ku shumica janë duke e shmangur shujtën e mëngjesit, autorët e studimit kanë sugjeruar që mos ta shmangni atë dhe, përveç kësaj, të konsumoni një pjesë të madhe të kalorive në këtë shujtë për të pasur një stil të shëndetshëm të jetesës. /Telegrafi/

The post Hajeni mëngjesin si mbret: Fillimi i ditës me djathë, mjaltë e bukë jua forcon zemrën appeared first on Telegrafi.

Edhe pse në kuzhinë ajo duhet të përdoret më shumë moderim, është një substancë me rëndësi thelbësore, shumë e dobishme për shëndetin, mirëqenien dhe kujdesin e trupit

Ka shumë lloje dhe mund të ketë, në varësi të përbërjes së saj, ngjyra të ndryshme. Kripa është një substancë me rëndësi thelbësore për funksionimin e duhur të trupit tonë. Gjëja e rëndësishme është të konsumohet me moderim të madh, në mënyrë që të mos rrezikohet një seri e gjatë sëmundjesh, duke përfshirë hipertensionin, veshkat dhe problemet e zemrës.

Duke u përdorur siç duhet, është një burim i përfitimeve të mëdha dhe ka një veprim kurativ, pastrues dhe madje kozmetik dhe antimoshë.

Çfarë është – Kripa është një përbërje kimike në të cilën dy ose më shumë jone lidhen me një molekulë brenda një grilë kristaline. Kripërat mund të jenë shumë të ndryshme nga njëri-tjetri: ka organike ose inorganike, të thjeshta ose komplekse dhe mund të përbëjnë komponime të ndryshme kimike.

Disa kripëra janë të tretshme në ujë, të tjera jo, të tjerët shkrihen në substanca të tjera. Ajo që ne njohim më mirë është kripa e zakonshme, emri shkencor i së cilës është klorur natriumi, për të treguar se një nga molekulat e saj është e përbërë nga një atom klor dhe një atom natriumi. Prandaj është vetëm një nga llojet e shumta të kripërave ekzistuese, por ka një rol shumë të rëndësishëm për funksionimin e duhur të trupit tonë.

Për çfarë shërben – Një nga karakteristikat që e bën kripën themelore është aftësia e saj për të transmetuar impulse nervore, rregullon presionin e gjakut dhe shkëmben lëngjet. Kjo është arsyeja pse të gjitha organizmat kanë, në indet dhe lëngjet, një prani të caktuar të kripës.

Në mjekësi, kur një pacient duhet të hidratohet, përdoret një zgjidhje fiziologjike që përmban një përqindje të caktuar të kripës. E rëndësishme, për të mbajtur veten të shëndetshëm, nuk duhet ta tejkalojmë me konsumin: Doza maksimale e rekomanduar në kuzhinë është pesë gram në ditë, ose sasia që gjendet në një lugë çaji.

Secila ngjyrën e saj – Kripa mund të marrë ngjyra të ndryshme në varësi të mineraleve që hyjnë në përbërjen e saj kimike. Kripa e detit është ajo që njohim dhe përdorim më shumë: zakonisht ka një ngjyrë të bardhë dhe kokrra të vogla dhe të holla; ajo përdoret gjerësisht në kuzhinë për të shijuar ose për të ruajtur ushqimin.

Gjithmonë në mesin e kripërave të detit, vlen të përmendet flour de sel (ose lule kripë) është një lloj i kripës detare franceze, karakteristikë e Britanisë jugore, por edhe e Camargue, me një aromë delikate, e cila përdoret për ushqim të papërpunuar.

Kripa blu e Persisë është një kripë natyrore e shkëmbit nga minierat kripë të Iranit; të rralla dhe të çmuara, me një butësi intensive dhe një shije paksa djegëse. Ngjyra e saj i detyrohet një minerali të quajtur silvinit.

Kripa rozë Himalajane ka një përmbajtje shumë të lartë të mineraleve natyrore që e bëjnë atë më të pasurën dhe më të plotën në botë; ka një shije delikate që nuk mbulon shijet e ushqimeve të tjera, por i shoqëron dhe i rrit ato.

Gjithashtu shumë e njohur është kripa gri e Britanisë me origjinë të lashtë, ngjyra karakteristike e saj është për shkak të pranisë së argjilave që e pasurojnë atë me shumë minerale.

Kripa e kuqe e Alaea ia detyron ngjyrën e saj pranisë së hekurit. Ndërkohë, me ngjyrë të zezë është kripa hawaiane, e varfër me natrium dhe e pasur me karbone bimore me vetitë e njohura pastruese. Një kripë e zezë e pasur me karbon të bimëve është kripa e zezë e Qipros.

Për bukurinë – Kripa në kozmetikë kthehet në një aleat të madh të bukurisë. Dy lugë kripë tretur në një litër ujë, duke u masazhuar në fytyrën tuaj janë të dobishme për pastrimin e butë të lëkurës dhe për të përmirësuar elasticitetin e tij.

Kripërat e Detit të Vdekur, të shtuara në ujë të banjës ose të përdorura për scrub, janë efektive për të luftuar mbajtjen e ujit dhe celulitin. Mbetjet dhe përfundimet e ujit dhe kripës mund të përdoren gjithashtu për të luftuar mbajtjen.

Efikasitet shërues – Uji që nga kohërat e lashta është përdorur si një dezinfektues dhe antiinflamator. Një kilogram e gjysmë kripë në ujin e banjës ka një efekt qetësues në lëkurën e irrituar dhe në rast të pickimeve të insekteve. I njëjti rezultat është marrë duke aplikuar garzë të ngjyer në ujë dhe kripë në pickimin e insekteve.

Një lugë çaji kripë deti në një gotë me ujë të ngrohtë është e dobishme për shpëlarje në rast të mishrave të përflakur dhe frymëmarrjes së keqe. Me dy lugë kripë tretur në një tenxhere me ujë shumë të nxehtë përgatiten përbërje të dobishme për të liruar udhë ajrore për ftohjet.

Për shtëpinë – Kripa mund të jetë e dobishme në kuzhinë për të pastruar enët e pista nga yndyra: vetëm vendosni pak kripë dhe fshijini me një copë letre.

Një kripë e vogël që kalon në gota është e dobishme për të hequr gjurmët kokëforta të çajit ose të kafesë, ndërsa duke shtuar pak kripë në ujin ku i vërshoni vezët e bën më të lehtë për t’i zhytur. Është gjithashtu e dobishme për heqjen e njollave nga pëlhura dhe, duke fshirë me pak ujë, pastron edhe pllakën e hekurit që përdorim për hekurosje. /Telegrafi/

The post Kripa ka një mijë virtyte, thjesht mos hidhni shumë në pjatë appeared first on Telegrafi.

Gabimet që duhet të dimë për të shmangur humbjen e peshës në mënyrë të shëndetshme dhe efektive

Ditët e para të ngrohta na bëjnë të dëshirojmë të veshim rroba të lehta dhe, siç ndodh gjithmonë këtë sezon, kjo u vë pa mëshirë dritë linjave tona të çrregullta që dimri dhe përtacia na kanë lënë si një trashëgimi.

Nëse ne jemi aq largpamës, duhet të mendojnë tashmë se si të kthehemi në linjë në funksion të verës, këtu janë disa këshilla për të “rregulluar” zakonet tona të ngrënies, duke hedhur poshtë disa besime të gabuara dhe mashtrime në aspektin e të ushqyerit dhe kontrollit të kalorive.

Ushqimet e lehta na ndihmojnë të dobësohemi – Për fat të keq nuk është. Fjala “e lehtë” në paketimin e produkteve të caktuara thjesht tregon se ato përmbajnë një përqindje më të ulët të substancave të caktuara, zakonisht yndyrë. Kjo nuk do të thotë, megjithatë, që në vetvete ndihmojnë për të humbur peshë: kaloritë te një produkt varen nga përbërës të shumtë, duke filluar me sheqerna.

Në mënyrë që të mos gaboni është normale të lexohet futja e energjisë shprehur në kcal në etiketë (zakonisht për porcion dhe për 100 gr.). Në këtë pikë mund ta krahasojmë atë me të dhënat e njëjta të produktit në versionin “normal” dhe të bëjmë konsideratat tona. Sidoqoftë, zgjedhja e një ushqimi të lehtë nuk na autorizon ta konsumojmë atë në një sasi të pakontrolluar.

Ushqimet pa gluten nuk janë më të mira sesa ato normale – Ky është një ekuivok i madh që po përhapet në kohët e fundit. Ushqimet pa gluten janë të dizajnuara për ata që vuajnë nga alergjitë ose intolerancat ndaj kësaj substance dhe prandaj nuk mund ta marrin atë.

Për të gjithë të tjerët, gluteni është një lëndë ushqyese që nuk ka kundërindikacione dhe, mbi të gjitha, nuk ju shëndosh. Përkundrazi, ushqimet që nuk kanë luten, shpesh janë më të pasura me yndyra ose përbërës të tjerë të domosdoshëm për të përmirësuar shijen: prandaj ata kanë konsum më të madh të kalorive sesa ushqimet normale. Të hash ushqime pa luten për të humbur peshë është diçka e gabuar.

Makaronat në mbrëmje ju shëndoshin – Ky është një tjetër mit i rremë që është vështirë të zhduket. Makaronat, e konsumuara në darkë në sasi të arsyeshme, nuk ju shëndosh, por promovojnë një pushim të mirë. Merita e triptofanit, një aminoacid që përmban karbohidratet komplekse dhe e dobishme në prodhimin e serotoninës, hormon i humorit të mirë.

Ajo që mund të ndikojë në linjë është, nëse ka ndonjë gjë, sasinë e makaronave të konsumuara dhe mënyrën se si janë gatuar. 80 gramë makarona, më mirë integrale, të gatuara me perime dhe me vaj ulliri ekstra të virgjër, janë krejtësisht të ligjshme.

Më mirë të eliminosh karbohidratet – Edhe nëse dëshironi të humbni peshë nuk keni nevojë të hiqni plotësisht karbohidratet. Këto lëndë ushqyese, në sasi të arsyeshme, janë shumë të dobishme për sigurimin e energjisë me çlirim të ngadalshëm dhe shmangien e papritur të sheqerit në gjak. Këto të fundit janë për shkak të ndjesisë së pakëndshme të “vrimës në stomak”, e cila është me të vërtetë e vështirë për t’i rezistuar.

Jo ushqimeve – Në këtë pikë disa pika duhet të sqarohen. Nëse nga vaktet kuptojmë mallin që na bën të vjedhim disa herë gjatë ditës, patjetër duhet të vendosim një frenim. Diskutimi është i ndryshëm nëse flasim për dy snacks, që do të konsumohen në mes të mëngjesit dhe mesditës: këto dy mini-vakte janë të dobishme dhe të rekomanduara nga të gjithë dietistët.

Është e natyrshme që të zgjidhni ushqimet e duhura: i thoni jo për të ngrënë djathë, natyrisht, ose briosh në bar, thoni po për 20 gram fruta të thata ose një frut të vogël ose një kos me pak yndyrë. Ku hamë shumë në një vakt, ndodh që të mos jemi shuam të uritur në vaktin tjetër dhe të “bindë” trupin tonë që nuk është në një gjendje të privimit të ushqimit: ky kusht në të vërtetë aktivizon një lloj “mënyre kursimi”, kështu që metabolizmi ngadalësohet për të kufizuar konsumin e magazinimit të yndyrës, kështu që dieta ndalon të funksionojë.

Çdolloj veprimtarie fizike bën mirë – Sigurisht, fakti i lëvizjes është një zakon i mirë, pavarësisht nga aktiviteti i zgjedhur. Është gjithashtu e vërtetë, megjithatë, se disa sporte djegin më shumë kalori sesa të tjerët. Ushtrimet aerobike ose disiplinat me intensitet të lartë kanë aftësinë për të “djegur” kalori të drejtpërdrejta, ndërsa me intensitet të ulët si palestër priren të konsumojnë yndyrë. Këta të fundit, megjithatë, menjëherë reformojnë nëse kaloritë e gëlltitura janë në tepricë, duke zhdukur efektin “humbje peshe” të trajnimit.

Aktiviteti më i këshillueshëm për ata që nuk duan të lodhen në palestër është shëtitja e shpejtë, por duke ndjekur kriteret për ta kthyer atë në një palestër të vërtetë.

Për t’u dobësuar duhet më parë të ndjekim një regjim detoks – Ky është një tjetër mit: Nëse kemi kaluar nëpër një periudhë të ekseseve, dieta detoks nuk është e nevojshme.

Për ta rikthyer trupin tonë në ekuilibrin e saj, mjafton t’u kthehemi zakoneve të mira: të hamë shëndetshëm dhe ushqime të ndryshme, duke eliminuar ushqimet e shpejta dhe duke e kufizuar konsumin e alkoolit. Mëlçia dhe veshkat do të eliminojnë toksinat që kemi grumbulluar. /Telegrafi/

The post Dieta, mitet e rreme për të qëndruar ose kthyer në formë appeared first on Telegrafi.

Ananasi bën rrëmujë të konsiderueshme kur pritet dhe është shumë vështirë të pastrohet

Njëri ndër përdoruesit e rrjeteve shoqërore, Dilon Roberts, ka treguar se si dikush e ka ndarë ananasin në feta pasi që ia ka prerë majën.

Në fotografi shihet se si tërheqja e lëkurës nga mesi na jep copa në formë piramide pa kurrfarë nevoje që ta presim ananasin.

Videon në Twiter e ka ndarë Luis MekKlaski, 21-vjeç, student i shkencave Biomedicinale në Midlesburg.

Përdoruesit kanë qenë të ngazëllyer dhe kanë theksuar që vërtet gjatë gjithë jetës gabimisht e kanë pastruar dhe ngrënë ananasin.

Njëri ndër përdoruesit ka shkruar që diçka e këtillë vërtet është e realizueshme, sepse ananasi pikërisht është i ndërtuar si rrush.

Duke u rritur fryti gjithashtu edhe “kokrrat” bashkohen në një tërësi.

Nëse filloni nga fillimi ta hani ananasin, do të mund ta ndani copë pas cope.

/Telegrafi/

The post Gabimisht e hamë ananasin: Kjo video tregon se si të kënaqeni me të pa e qëruar appeared first on Telegrafi.

Shtypja e lartë e gjakut apo hipertensioni mund të zvogëlohet duke i bërë disa ndryshime në stil të jetesës.

Sipas ekspertëve shëndetësorë, ju mund t’i zvogëloni shanset e zhvillimit të shtypjes së lartë të gjakut duke ngrënë vezë rregullisht, transmeton Telegrafi.

Shkencëtarët pohojnë se vezët e mundësojnë këtë për shkak përmbajtjes së proteinave, të cilat funksionojnë në të njëjtën mënyrë sikurse ilaçet për hipertension.

Pasi të gatuhen, proteina në vezë prodhon kemikale të njohura si peptide.

Peptidet funksionojnë për ta ndaluar prodhimin e kimikaleve tjera në trup të cilat ndërlidhen me rritje të shtypjes së gjakut.

Pavarësisht efekteve të mira që kanë, ekspertët thonë se ju nuk duhet të hani shumë vezë brenda një ditë, por mjafton t’i konsumoni disa herë në javë. /Telegrafi/

The post Ushqimi më i mirë për mëngjes që t’i shmangni simptomat e hipertensionit appeared first on Telegrafi.

Ushqimet organike janë ato ushqime që rriten në mënyrë natyrale dhe nuk përmbajnë përbërës artificial. Ushqimi organik ka ndikim të madh dhe pozitiv në shëndetin tonë mendor dhe emocional, si dhe në mjedis.

Ja çka duhet të dini rreth produkteve organike:

1: Produktet organike nuk përmbajnë pesticide. Kimikate si fungicide, herbicide dhe insekticide përdoren gjerësisht në produkte joorganike dhe pjesë të tyre mbeten në ushqimin që hamë. Kimikate të tilla nuk përdoren në produkte organike asnjëherë.

2: Produktet organike janë më të freskëta sepse nuk përmbajnë konservues që t’a bëjnë atë të zgjasë më gjatë. Ushqimet organike përmbajnë lëndë ushqyese të dobishme dhe shumica e simptomatve të njerëzve me alergji ndaj ushqimeve, kimikateve ose konservuesve, pakësohen ose largohen kur ata hanë vetëm ushqime organike.

3: Produktet organike janë më të mira për mjedisin. Praktikat e bujqësisë organike zvogëlojnë ndotjen, kursejnë ujin, zvogëlojnë erozionin e tokës, rrisin pjellshmërinë e tokës dhe shpenzojnë më pak energji. Bujqësia pa pesticide është gjithashtu më e mirë për zogjtë dhe kafshët, si dhe për njerëzit që jetojnë pranë fermave.

4: Kafshëve të rritura në mënyrë organike NUK u jepen antibiotikë ose hormone të rritjes. Ushqyerja e kafshëve me hormone të rritjes shkakton sëmundje te kafshët fillimisht, të cilat mund të transmetohen te konsumatorët. Ndërsa përdorimi i antibiotikëve në ato kafshë krijon lloje të baktereve rezistente ndaj antibiotikëve, një ndër problemet më të mëdha të mjekësisë bashkëkohore.

5: Produktet organike nuk janë të modifikuara gjenetikisht. Produktet e modifikuara gjenetikisht janë produkte të cilave u është ndryshuar ADN-ja në mënyra që nuk janë natyrale dhe modifikime të tilla lidhen me shkaktimin e shumë sëmundjeve, duke përfshirë dhe kancerin.

Ndër produktet më të mira organike janë produktet COOP Italia, të cilat ofrohen edhe në Kosovë dhe mund t’i gjeni në rrjetin e supermarketeve Super Viva.

(artikull i sponsorizuar)

The post 5 gjëra që duhet t’i dini për produktet organike appeared first on Telegrafi.

Pas më shumë se 40 vjetësh, Lista e ushqimit të shëndetshëm plotësisht është ndryshuar

Lista kanadeze e ushqimit të shëndetshëm tani favorizon vetëm një grup artikujsh dhe i shënon si të shëndetshëm, transmeton Telegrafi.

Ato janë pemët dhe perimet, sepse sipas mendimit të ekspertëve, të gjithëve na janë të nevojshme shumë më tepër se ushqimi me prejardhje bimore.

Shkencëtarët nga Kanadaja thonë që gjysma e pjatës duhet të përmbajë pemë dhe perime, një e katërta proteinë cilësore, ndërkaq një e katërta tjetër kokrra të plota drithërash.

Këshillojnë që të konsumohet më pak mish dhe produkte të qumështit, mirëpo proteinat të merren nëpërmjet ushqimit me prejardhje bimore, siç janë kërpudhat dhe djathi tofu.

Vendimi që të ndryshohet drastikisht Lista, ka shkaktuar debat të madh, ndërkaq shkencëtarët e arsyetojnë me atë që Lista e mëparshme vjen nga vitet shtatëdhjetë të shekullit të kaluar, kur ende nuk ka qenë i zbuluar indeksi glikemik dhe ndikimi i tij në organizëm, dhe kur ushqimi është trajtuar shumë më ndryshe.

Me shtimin e konsumimit të pemëve dhe perimeve dhe me zvogëlimin e konsumimit të produkteve të qumështit dhe mishit, ekspertët kanadezë rekomandojnë pirje sa më shumë të ujit, si edhe zvogëlim të pijeve të ëmbla dhe pijeve alkoolike në masën sa më të vogël të mundshme, sepse janë plot kalori dhe nuk kanë kurrfarë vlere nutritive. /Telegrafi/

The post Shkencëtarët kanadezë kanë nxitur debat të madh: Sa mish dhe produkte tjera në ditë duhet të hamë? appeared first on Telegrafi.

Herë pas here trupi jonë ka nevojë për detoksikim në mënyrë që t’i rikthehet funksionit në mënyrë optimale dhe ta përmirësojë mënyrën se si funksionojnë organet e trupit.

Kjo, sipas ekspertëve, mund të arrihet përmes “pastrimeve” natyrale, transmeton Telegrafi.

Këto pastrime trupore përfshijnë largimin e substancave toksike nga trupi.

Ekspertët gjithashtu kanë treguar se cilat ushqime janë prej pastruesve më të mirë të trupit të cilat mund t’i konsumoni.

Limonët
Limonët e detoksikojnë trupin dhe e forcojnë sistemin e imunitetit sepse janë të mbushura me vitaminë C dhe antioksidues tjerë. Ato ep përmirësojnë funksionin e mëlçisë, por edhe procesin e tretjes.

Majdanozi
Antioksiduesit, përbërësit antipezmatues dhe flavanoidet që i përmban majdanozi, ndikojnë që ky produkt t’i pastrojë veshkat, mëlçinë dhe traktin gastrointestinal.

Domatet
Domatet janë të pasura me vitaminë C dhe nutrientë tjerë. Ato e përmirësojnë shëndetin e zemrës dhe kanë sasi të lartë të licopenit, i cili i parandalon dëmet nga rrezatimet e lira.

Qepa
Qepët e detoksikojnë sistemin, i trajtojnë problemet me tretje, astma, etj.

Mollët
Këto janë të pasura me fibra, kështu që ndihmojnë në sistem të tretjes, ju bëjnë të ndiheni më të ngopur, e pastrojnë gjakun, e rregullojnë kolesterolin dhe e përmirësojnë shëndetin psikologjik. /Telegrafi/

The post Pesë ushqimet që jua pastrojnë trupin krejtësisht appeared first on Telegrafi.

Nëse keni marrë iniciativën për të shkuar në palestër keni bërë shumë mirë, por duhet të dini që vetëm kaq nuk mjafton. Diçka tjetër shumë e rëndësishme është mënyra se si ushqeheni

Ka disa ushqime që në asnjë mënyrë nuk duhet të konsumohen pas një dite të lodhshme me aktivitet fizik, pasi do ta hidhnit të gjithë mundimin tuaj në plehra.

Perimet e pagatuara

U surprizuat? Ndoshta keni menduar se perimet do të ishin ushqimi perfekt për t`u konsumuar pas palestrës, por nuk është kështu. Ato kanë shumë pak kalori dhe trupit tuaj i duhen më shumë kalori pas palestrës. Nëse doni mund t`i hani perimet tuaja të preferuara, por duke i shoqëruar me një pjatë të mbushur me proteina.

Picat

Kujt nuk i pëlqejnë picat? Mund të jenë shumë të shijshme, por kanë një numër të madh kalorish dhe i gjithë mundimi juaj në palestër do të shkonte dëm.

Patatinat

Mund të duken të padëmshme, por patatinat përmbajnë sasi të mëdha kripe. Konsumimi i patatinave do t`ju bëjë të ndiheni të lodhur, kur në fakt ju keni nevojë të ndiheni energjikë pas palestrës.

Pijet me gaz

Një nga gjërat që do ta donim me qejf pas palestrës është një pije e ftohtë. Zakonisht zgjedhim pije të gazuara, por ky është një gabim i madh pasi shumica e këtyre pijeve janë të mbushura me kimikate, sheqerna dhe kalori. Pija më e mirë që mund të zgjidhni pas palestrës është uji.

Të skuqurat

Edhe pse mund t`ju pëlqejnë shumë, të skuqurat nuk rekomandohet të konsumohen sepse kanë një numër të madh kalorish. Kështu ushtrimi në palestër do t`ju shkonte dëm. /Telegrafi/

The post Me siguri nuk i dinit, këto janë ushqimet që nuk duhet t’i hani pas palestrës appeared first on Telegrafi.